რამაზ პატარიძე
| რამაზ პატარიძე | |
|---|---|
 | |
| დაბ. თარიღი | 6 ნოემბერი, 1927 |
| დაბ. ადგილი | თბილისი |
| გარდ. თარიღი | 1 ნოემბერი, 2020 (92 წლის) |
| მოქალაქეობა |
 საბჭოთა კავშირი → საქართველო |
| საქმიანობა | მკვლევარი[1] და ენათმეცნიერი[1] |
| ალმა-მატერი | თბილისის სახელმწიფო უნივერსიტეტი |
რამაზ პატარიძე (დ. 6 ნოემბერი, 1927, თბილისი — გ. 1 ნოემბერი, 2020[2]) — ქართველი ენათმეცნიერი, დამწერლობათმცოდნე, ანბანთმცოდნე. ფილოლოგიურ მეცნიერებათა კანდიდატი (1967). პოეტის, მთარგმნელისა და საზოგადო მოღვაწის მიქელ პატარიძის შვილი.
ბიოგრაფია
[რედაქტირება | წყაროს რედაქტირება]1950 წელს დაამთავრა ი. სტალინის სახელობის თბილისის სახელმწიფო უნივერსიტეტის აღმოსავლეთმცოდნეობის ფაკულტეტი. მუშაობდა კორნელი კეკელიძის სახელობის საქართველოს ხელნაწერთა ეროვნული ცენტრში, ივანე ჯავახიშვილის ისტორიისა და ეთნოლოგიის ინსტიტუტის საქართველოს ეთნოლოგიის განყოფილებაში. იყო პავლე ინგოროყვას მოსწავლე. 1967 წელს დაიცვა საკანდიდატო დისერტაციის თემა: „ქართული ფილიგრანოლოგიის ძირითადი საკითხები“. 64 წლის განმავლობაში იკვლევდა ქართული ანბანის საკითხებს.
1980 წელს საბავშვო გამომცელობა „ნაკადულმა“ გამოსცა მისი წიგნი „ქართული ასომთავრული“,[3] წიგნმა საბჭოთა ცენზურის გვერდის ავლა მარტივად მოახერხა, ვინაიდან ის საბავშვო გამომცემლობამ გამოსცა. ამის შედეგად წიგნების გავრცელება შეიზღუდა, გამომცემლობა „ნაკადულის“ დირექტორი არჩილ სულაკაური თანამდებობიდან გაათავისუფლეს, ხოლო წიგნის ავტორი რამაზ პატარიძე პრაქტიკულად ჩამოშორდა სამეცნიერო საქმიანობას.
2018 წელს „პალიტრა L-ის“ მიერ გამოცემული „ქართული ასომთავრული“ წარმოადგენს სამეცნიერო-პოპულარულ ნაშრომს, სადაც აღწერილია ქართული ანბანის ისტორია და წარმართული კალენდრის საიდუმლოებები. [4]
მან გახსნა ერკათაგირის გრაფიკული საფუძვლები და ამით ნათელი გახადა ე.წ. კავკასიურ დამწერლობათა ურთიერთმიმართების ისტორიული ლოგიკა. გაშიფრა „ქებაჲ და დიდებაჲ ქართულისა ენისაჲ“ საიდუმლო შინაარსი და წარმოაჩინა ამ ჰიმნოგრაფიული თხზულების ისტორიული და ესქატოლოგიური მნიშვნელობა. აქტიურად იკვლევდა დავათის სტელის საკითხებს. აღმოაჩინა ნეკრესის წარწერების რამდენიმე შიფრი. ახლებურად აქვს წაკითხული შოთა რუსთაველის „ვეფხისტყაოსნის“ არაერთი სტროფი და სტრიქონი.[5]
რესურსები ინტერნეტში
[რედაქტირება | წყაროს რედაქტირება]სქოლიო
[რედაქტირება | წყაროს რედაქტირება]- 1 2 საქართველოს ბიოგრაფიული ლექსიკონი — 2001.
- ↑ დამწერლობათმცოდნე რამაზ პატარიძე გარდაიცვალა
- ↑ რ. პატარიძე, ქართული ასომთავრული, თბილისი, ნაკადული, 1980 წ., 602 გვ.
- ↑ რამაზ პატარიძის „ქართული ასომთავრულის“ მოკლე ანოტაცია
- ↑ საქართველოს რესპუბლიკა N150-151 (9076-9077). რამაზ პატარიძე, ქართული ასომთავრულის მესაიდუმლე