საქართველოს რეგიონის - ქართლის - ტერიტორიაზე დაიწვა 200 ჰექტარამდე საძოვარი. „რუსთავი 2“-ის ინფორმაციით, ცეცხლი პირველად სოფელ ნიჩბისთან გაჩნდა და სოფელ კავთისხევამდე გავრცელდა. საგანგებო საქმეთა სამსახურის ინფორმაციით ცეცხლი დაუდევრობის გამო გაჩნდა. (rustavi2.com)
რუსეთის ტყეებში გაჩენილი ხანძრის შედეგად, ბოლო მონაცემებით, უსახლკაროდ დარჩა 3,5 ათასზე მეტი, დაიღუპა 48 და 440-ზე მეტმა ადამიანმა სამედიცინო დახმარება ითხოვა. რთული ვითარებაა ორი ბირთვული ობიექტის მახლობლად. ნოვოვორონეჟსკის ატომურ ელექტროსადგურში სიცხის გამო ერთ-ერთი ენერგობლოკის ტურბოგენერატორი გაითიშა, საროვში კი ცეცხლი ფედერალურ ბირთვულ ცენტრს უახლოვდება. (რადიო თავისუფლება)
ხანძრის ახალი კერა გაჩნდა ბორჯომის ხეობაში, სოფელ აწყურის მიმდებარე ტერიტორიაზე. მეხანძრეებიც და სამაშველო ბრიგადებიც ცდილობენ ხელი შეუშალონ ხანძრის გავრცელებას. იმ ტერიტორიაზე კი, სადაც ტყე ბოლო ხუთ დღეს იწვოდა, ცეცხლი ჩამქრალია. (rustavi2.com)