ოთარ ხაზარაძე

ოთარ ხაზარაძე
ოთარ ხაზარაძე 1972 წელს, ფოტო გადაღებულია შოთა მირინაშვილის მიერ პამირის მთებში
დაბადების თარიღი	15 იანვარი, 1931 (1931-01-15) ქუთაისი
ეროვნება	ქართველი
ალმა-მატერი	თსუ
საქმიანობა	ალპინისტი

ოთარ ხაზარაძე (დ. 15 იანვარი, 1931, ქუთაისი) — ქართველი ალპინისტი, სპორტის ოსტატი (1958), სპორტის საპატიო ოსტატი (1972), სპორტის დამსახურებული მწვრთნელი (1959), სპორტის დამსახურებული მოღვაწე (2003), საქართველოს ღირსების ორდენის კავალერი (2003).

აქტიურად მოღვაწეობს ალპინიზმის განვითარებისათვის საქართველოში და მის გარეთ. არის ათეულობით ალპინიადისა და საკვალიფიკაციო ექსპედიციის ორგანიზატორი.

ბიოგრაფია

ოთარ ხაზარაძე დაიბადა 1931 წლის 15 იანვარს, ქუთაისში. 1954 წელს დაამთავრა თბილისის სახელმწიფო უნივერსიტეტი-ს (თსუ) ფიზიკის ფაკულტეტი. 1956-1966 წლებში იყო თსუ-ს ალპური სექციის თავმჯდომარე. 1957-1982 წლებში საქართველოს მთამსვლელთა ფედერაციის მწვრთნელთა საბჭოს თავმჯდომარე. 1957 წელს გახდა სსრკ ჩემპიონი ტრავერსების კლასში (დარვაზის ქედი). საკავშირო სპორტული საზოგადოება Буревестник-ის ჩემპიონი: 1958 წელს სასიმაღლო კლასში (ლენინის პიკი, პამირი) და 1961 წელს სასიმაღლო-ტექნიკურ კლასში (ვაჟა-ფშაველას პიკი, ტიან-შანი); 1960, 1975, 1977 წლებში სსრკ ჩემპიონატების სამგზის ვერცხლის და ორგზის ბრინჯაოს (1969, 1973) მედლის პრიზიორი სასიმაღლო, კლდოვან და ტექნიკურ კლასებში.

გარდა სპორტისა, ოთარ ხაზარაძე დაკავებული იყო სამეცნიერო სამუშაოთი. 1955-1966 წლებში იყო თსუ-ს ბირთვული ფიზიკის კათედრის ასისტენტი. სამეცნიერო კვლევითი ელექტროტექნიკური ინსტიტუტის თბილისის ფილიალის განყოფილების გამგე (1966-1974). საქართველოს მეცნიერებათა აკადემიის სამეცნიერო-ხელსაწყოთმშენებლობის სპეციალური საკონსტრუქტორო ბიუროს განყოფილების გამგე (1974-1990), დირექტორი (1990-2006).

გალერეა

• 
  ოთარ ხაზარაძე რეინჰოლდ მესნერთან შეხვედრისას თბილისში, ივლისი, 2017 წელი
• 
  ოთარ ხაზარაძე და ჯუმბერ მეძმარიაშვილი; გადაღებული დიკის ხეობაში, ტია-შანის მთები (1959).
• 
  თენცინგ ნორგეი საქართველოს ალპიური კლუბის წევრებთან ერთად თბილისში ვიზიტის დროს 1954 წელს.
• 
  საქართველოს მთმსვლელთა დელაგაციის ვიზიტი იაპონიაში, 1966 წ. გამოსამშვიდობებელი წვეულება ერთ-ერთი მასპინძელი იაპონელი მთამსვლელის აგარაკზე.
• 
  საქართველოს მთმსვლელთა დელაგაციის ვიზიტი იაპონიაში, 1966 წ. აგი აბაშიძე, რეზო და ოთარ ხაზარაძეეები.
• 
  2023 წლის 1 აპრილს საქართველოს აპლპინინიზმის ფედერაციამ დააჯილდოვა ოთარ ხაზარაძე საქართველოს ოქროს წერაყინით (Piolet d’Or de Georgia), ქართული მთამსვლელობის განვითარებაში უდიდესი წვლილისათვის.

ბიბლიოგრაფია

• ო. ხაზარაძე, ქართველი მთამსვლელები ალპებში, 1964 წელი 2021 წ.
• ო. ხაზარაძე, 1961 წლის ტრაგედია გამარჯვების პიკზე, 2018 წ.
• ო. ხაზარაძე, უშბის ეპოპეა 1959 წელს, 2018 წ.
• ო. ხაზარაძე, ზამთრის ასვლა იალბუზზე 1957 წელს, 2018 წ.
• ო. ხაზარაძე, როგორ დავიწყე მთამსვლელობა, 2018 წ.
• ო. ხაზარაძე, იაპონური დღიურები: ქართველი მთამსვლელები იაპონიაში 1966 წელი, 2022 წ.

ლიტერატურა

• ივანე ჯაფარიძე. რედ. გივი ქართველიშვილი: მყინვარწვერიდან ევერესტამდე (1923-1991 წ.წ.). „ფორმა“, გვ. 272. ISBN 9789941023033. 

რესურსები ინტერნეტში

• ხაზარაძე ოთარ — სპორტისა და ახალგაზრდობის საქმეთა სამინისტრო
• ოთარ ხაზარაძე — ბიოგრაფიული ლექსიკონი
• World-famous explorer Reinhold Messner on visit to Georgia’s mountain resorts