ნინო გომართელი

ნინო ნიკოლოზის ასული გომართელი (დ. 24 იანვარი, 1953, თბილისი) — ქართველი ისტორიკოსი. ისტორიულ მეცნიერებათა დოქტორი (2002), პროფესორი (2004).

ბიოგრაფია

1975 წელს დაამთავრა თსუ-ის ისტორიის ფაკულტეტი. 1978-2006 წლებში მუშაობდა თბილისის სულხან-საბა ორბელიანის სახელობის პედაგოგიურ უნივერსიტეტში სხვადასხვა თანამდებობაზე, 2006-2009 წლებში კი — ი. ჭავჭავაძის სახელობის სახელმწიფო უნივერსიტეტში. 2009 წლიდან საქართველოს ტექნიკური უნივერსიტეტის საქართველოს ისტორიისა და ქართული კულტურის მიმართულების სრული პროფესორია. გამოქვეყნებული აქვს მრავალი სამეცნიერო ნაშრომი, მ. შ. სამი სახელმძღვანელო და სამი მონოგრაფია.

ლიტერატურა

• ენციკლოპედია „საქართველო“, ტ. 2, თბ., 2012. — გვ. 89.