მოცურალა

მოცურალა
სამხრეთული მოცურალა (Berardius arnuxii)
მეცნიერული კლასიფიკაცია
სამეფო:  ცხოველები ტიპი:  ქორდიანები კლასი:  ძუძუმწოვრები რიგი:  ვეშაპისნაირნი ოჯახი:  დინგნისკარტასებრნი გვარი:  მოცურალა
ლათინური სახელი
Berardius (Duvernoy, 1851)
სისტემატიკა ვიკისახეობებში სურათები ვიკისაწყობში ITIS   180494 NCBI   48741 EOL   42372 FW   63589

მოცურალა (ლათ. Berardius) — ზღვის ძუძუმწოვართა გვარი დინგნისკარტასებრთა ოჯახისა. ქვედა ყბაზე ორი წყვილი წაბრტყელებული კბილი აქვთ. ცხოვრობენ ჯოგებად, იკვებებიან თავფეხიანი მოლუსკებით, რომელთა მოსაპოვებლად ყვინთავენ ღრმად და ხანგრძლივად. გვარში ორი სახეობაა: ჩრდილოური მოცურალა (В. bairdi), დედლის სიგრძეა 12,5 მ-მდე, მამლისა 11 მ-მდე, ცხოვრობს წყნარი ოკეანის ჩრდილოეთ ნაწილში იაპონიის, ოხოტისა და ბერინგის ზღვის ჩათვლით; სამხრეთული მოცურალა (В. arnouxi), სიგრძით 11 მ, ბინადრობს სამხრეთ ნახევარსფეროში (ანტარქტიკამდე). მოცურალების რეწვას მხოლოდ იაპონია მისდევს.

რესურსები ინტერნეტში

• მოცურალა — სტატია დიდი რუსული ენციკლოპედიიდან (რუსული)