მარგარეტ ჰარვუდი

მასალა ვიკიპედიიდან — თავისუფალი ენციკლოპედია
Jump to navigation Jump to search
მარგარეტ ჰარვუდი
Margaretharwood.jpg
დაბ. თარიღი 19 მარტი 1885(1885-03-19)[1]
დაბ. ადგილი ლიტლტონი[1]
გარდ. თარიღი 6 თებერვალი 1979(1979-02-06) (93 წელი)
გარდ. ადგილი ბოსტონი
დასაფლავებულია ლიტლტონი[2]
მოქალაქეობა Flag of the United States.svg აშშ
მუშაობის ადგილი მარია მიტჩელის ობსერვატორია
ალმა-მატერი რედკლიფის კოლეჯი[1] და University of California[1]
ჯილდოები honoris causa და ენი კენონის ჯილდო ასტრონომიაში[3]

მარგარეტ ჰარვუდი (ინგლ. Margaret Harwood; დ. 19 მარტი, 1885 — გ. 6 თებერვალი, 1979[4]) — ამერიკელი ასტრონომი და მარია მიტჩელის ობსერვატორიის პირველი დირექტორი, სპეციალიზებული ფოტომეტრიაში.

ადრეული ცხოვრება და განათლება[რედაქტირება | წყაროს რედაქტირება]

მარგარეტ ჰარვუდი დაიბადა 1885 წელს, ლიტლტონში, მასაჩუსეტსი. იგი ჰერბერტ იოსიფ ჰარვუდის და ემელ ავგუსტა გრინის ცხრა შვილიდან ერთ-ერთი იყო. ჰარვუდი რედკლიფის კოლეჯში სწავლობდა, რომელიც 1907 წელს დაამთავრა.

კარიერა[რედაქტირება | წყაროს რედაქტირება]

კოლეჯის დამთავრების შემდეგ, მარგარეტ ჰარვუდი, ჰარვარდის ობსერვატორიაში მუშაობდა. ამასთანავე, იგი ბოსტონის, კემბრიჯის და დედემის კერძო სკოლებში ასწავლიდა. 1912 წელს, იგი ნანტაკეტში მდებარე პირველი ამერიკელი ასტრონომი ქალის — მარია მიტჩელის ობსერვატორიის წევრობით დაჯილდოვდა. 1916 წელს, ჰარვუდი ობსერვატორიის დირექტორად დაინიშნა. აღნიშნული თანამდებობა, მას 1957 წლამდე ეკავა. მისი ძირითადი სამუშაო სფერო, ფოტომეტრია — ვარსკვლავების და ასტეროიდების ნათებაში ცვლილებების გაზომვა იყო. როგორც ამერიკის ასტრონომიული და სამეფო ასტრონომიული საზოგადოებების წევრი, მარგარეტ ჰარვუდი დაუკავშირდა ახალგაზრდა ასტრონომებს და მათთან ერთად იმოგზაურა ევროპასა და აშშ-ში. იგი მოხალისედ მუშაობდა ნანტაკეტის კოლეჯის საავადმყოფოსა და ნანტაკეტის სკოლის კომიტეტში. მის სახელს მიეწერება კიდევ არაერთი მნიშვნელოვანი საქმე, მაგალითად ის, რომ მეორე მსოფლიო ომის პერიოდში, იგი მასაჩუსეტსის ტექნოლოგიების ინსტიტუტში ასწავლიდა, ხელმძღვანელობდა სტუდენტებს და ნანტაკეტის კოლეჯის საავადმყოფოში, მეურვედ მუშაობდა.

მიღწევები[რედაქტირება | წყაროს რედაქტირება]

მის მიერ ასტეროიდ ვაშინგტონია 886-ის აღმოჩენა, ფორმალურ აღიარებამდე ოთხი დღით ადრე გაუქმდა. ამ დროს, ჰარვარდის ხელმძღვანელები, არაადეკვატურად მიიჩნევდნენ, რომ ქალს, მსგავსი აღმოჩენებისთვის, საყოველთაო აღიარება მოეპოვებინათ[5].

იგი ასევე პირველი ქალი იყო, რომელმაც იმ დროისთვის მსოფლიოს ყველაზე დიდ ობსერვატორიაში, მაუნტ-უილსონში მოღვაწეობის უფლება მოიპოვა[6].

1960 წლის სექტემბერში, სამეცნიერო ტრიომ, კორნელის იოჰანეს ვან ჰაუტენის, ინგრიდ ვან ჰაუტენ-გრონველდის და ტომ გერელსის შემადგენლობით, აღმოაჩინა ასტეროიდი და ჰარვუდის საპატივცემოდ 7040 Harwood (2642 P-L) უწოდეს. იგი მარსსა და იუპიტერს შორის არსებულ ასტეროიდთა სარტყელში მოთავსებული მთავარი ასტეროიდია[5].

გარდაცვალება[რედაქტირება | წყაროს რედაქტირება]

გარდაიცვალა 1979 წლის 6 თებერვალს, ბოსტონში, 93 წლის ასაკში[5].

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. 1.0 1.1 1.2 1.3 1.4 1.5 1.6 1.7 1.8 1.9 Ogilvie M. B. The Biographical Dictionary of Women in Science: Pioneering Lives From Ancient Times to the Mid-20th CenturyRoutledge, 2003. — Vol. 1. — P. 562–563. — 798 p. — ISBN 978-1-135-96342-2
  2. http://www.wickedlocal.com/x2020332023/Littleton-astronomer-Margaret-Harwood-remembered-for-achievements
  3. https://aas.org/grants-and-prizes/annie-jump-cannon-award-astronomy
  4. https://familysearch.org/ark:/61903/1:1:VZ5J-N6Y
  5. 5.0 5.1 5.2 Clark, Thomas. “Littleton astronomer Margaret Harwood remembered for achievements“, GateHouse Media, April 10, 2012. წაკითხვის თარიღი: March 25, 2014. 
  6. Leonardo, Jascin. “Nantucket's Daring Daughters: A Brief Look At Margaret Harwood“, December 16, 2013. წაკითხვის თარიღი: March 25, 2014.