ლი ჩონ უკი
| ლი ჩონ უკი კორ. 이종욱 | |
 | |
| ჯანდაცვის მსოფლიო ორგანიზაციის მე-6 გენერალური დირექტორი | |
|---|---|
| თანამდებობაზე ყოფნის დრო | |
| 21 ივლისი 2003 (61 წლის) – 22 მაისი 2006 | |
| წინამორბედი | გრუ ჰარლემ ბრუნტლანდი |
| მემკვიდრე | ანდერს ნორდსტერმი მარგარეტ ჩანი |
| დაბადებული | 12 აპრილი 1945 სეული, კორეა იაპონიის მმართველობის ქვეშ, იაპონიის იმპერია |
| გარდაცვლილი | 22 მაისი 2006 ჟენევა, შვეიცარია |
| ეროვნება | სამხრეთ კორეელი |
| მეუღლე | ლი-კაბურაკი რეიკო |
| შვილები | ლი ტადახირო |
| განათლება | სეულის ეროვნული უნივერსიტეტი (მედიცინის დოქტორი) ჰავაის უნივერსიტეტი (საზოგადოებრივი ჯანდაცვის მაგისტრი) |
| პროფესია | ექიმი |
ლი ჩონ უკი ( კორ. 이종욱?, 李鍾郁? , დ. 12 აპრილი , 1945, სეული — გ. 22 მაისი , 2006, ჟენევა ) — ექიმი, საზოგადოებრივი ჯანდაცვის სპეციალისტი. 2003 წლიდან 2006 წლამდე იკავებდა ჯანდაცვის მსოფლიო ორგანიზაციის გენერალური დირექტორის თანამდებობას.[1]
ბიოგრაფია[რედაქტირება | წყაროს რედაქტირება]
ლი ჩონ-უკი დაიბადა 1945 წლის 12 აპრილს კორეაში, რომელიც იმ დროს იაპონიის კოლონია იყო. ოჯახში ექვსიდან მესამე შვილი იყო, ჰყავდა სამი ძმა და ორი და, ორი ძმა პროფესორია . კიუნგბოკის საშუალო სკოლის დამთავრების შემდეგ , ჩაირიცხა სეულის ეროვნულ უნივერსიტეტში. დამთავრების შემდეგ გახდა მედიცინის დოქტორი. სწავლის პერიოდში მოხალისედ მუშაობდა, კერძოდ, ეხმარებოდა კეთროვან პაციენტებს ქალაქ ანიანეში . შემდეგ იგი შევიდა ჰავაის უნივერსიტეტში საზოგადოებრივი ჯანმრთელობის დაცვის განხრით.[2]
1981 წელს ლი და მისი მეუღლე ღარიბების დასახმარებლად ამერიკულ სამოაში გადავიდნენ. აქ ის 1983 წლამდე მუშაობდა Lyndon B. Medical Center-ში. ჯონსონმა ლიმ მიიღო მეტსახელი "აზიის შვეიცერი. "
1983 წელს მან დაიწყო მუშაობა ჯანდაცვის მსოფლიო ორგანიზაციაში მრჩევლად, მკურნალობდა კეთრით და ტუბერკულოზით დაავადებულებს ფიჯიში. ამავე დროს ხელს უწყობდა ბავშვების ვაქცინაციის იდეის პოპულარიზაციას. 1994 წელს გადავიდა ჟენევაში სამუშაოდ ჯანმო-ს შტაბ-ბინაში ვაქცინებისა და იმუნიზაციის გლობალური პროგრამის დირექტორის და ბავშვთა ვაქცინების განვითარების პროგრამის აღმასრულებელი მდივნის რანგში. 1995 წელს ჟურნალმა Scientific American მას "ვაქცინების მეფე" უწოდა. 1998-1999 წლებში მუშაობდა ჯანმო-ს გენერალური დირექტორის გრო ჰარლემ ბრუნდტლანდის პოლიტიკურ მრჩევლად , 1999-2000 წლებში — გენერალური დირექტორის სპეციალურ წარმომადგენლად. 2000 წლიდან ხელმძღვანელობს ჯანმო-ს ტუბერკულოზის კონტროლის დეპარტამენტს.[3]
2003 წლის 21 მაისს ჯანდაცვის მსოფლიო ასამბლეამ აირჩია იგი ჯანდაცვის მსოფლიო ორგანიზაციის გენერალურ დირექტორად 5 წლის ვადით. როგორც კი 21 ივლისს შეუდგა საქმიანობას, თავის მთავარ ამოცანად დაისახა ბრძოლა აივ ინფექციის / შიდსის წინააღმდეგ. 3 წლის განმავლობაში მან მოახერხა 60 სახელმწიფოს მონახულება, შეხვდა ბევრ სახელმწიფოს მეთაურს, მათ შორის აშშ-ს პრეზიდენტ ჯორჯ ბუშს, საფრანგეთის პრეზიდენტ ჟაკ შირაკს და ჩინეთის პრეზიდენტს ჰუ ძინტაოს . დაწერა არაერთი პუბლიკაცია ჯანდაცვის სფეროს ყველაზე მნიშვნელოვან პრობლემებზე ყოველწლიური მოხსენებები — შიდსის მკურნალობაში ხარვეზების გამოსწორების (2004), ორსული ქალების ტანჯვისა და სიკვდილის რისკის შემცირების შესახებ მოწოდებით „არ დავტოვოთ ყველა დედა, ყველა ბავშვი უყურადღებოდ“ (2005), ადამიანური რესურსების კრიზისის მოგვარების შესახებ განვითარებად ქვეყნებში (2006 წ.).[4]
ის მოულოდნელად გარდაიცვალა 2006 წლის 22 მაისს, 62 წლის ასაკში, ჟენევის უნივერსიტეტის საავადმყოფოს რეანიმაციულ განყოფილებაში , 20 მაისს გადატანილი ინსულტის შედეგად. დაკრძალულია ჟენევაში. ბევრმა საზოგადო მოღვაწემ გამოთქვა მწუხარება ლი ჩონ უკის გარდაცვალების გამო. მათ შორის გაეროს გენერალურმა მდივანმა კოფი ანანმა. [5][6]
სქოლიო[რედაქტირება | წყაროს რედაქტირება]
- ↑ "Obituary: Dr Lee Jong-wook". 22 May 2006. Retrieved 21 October 2022.
- ↑ "TIME Magazine: TIME 100: Jong-Wook Lee". Archived from the original on 16 May 2007.
- ↑ 옳다고 생각하면 행동하라 p. 200 written by Kwon Joon Wook
- ↑ "Dr Lee Jong-Wook". The Independent. 23 May 2006. Retrieved 21 October 2022.
- ↑ "WHO chief dies after blood clot". 22 May 2006. Retrieved 21 October 2022.
- ↑ "The Times & The Sunday Times". www.thetimes.co.uk. Retrieved 21 October 2022.
| |||||