ლარგვისის ზატიკი

მინიატიურა ლარგვისის ზატიკიდან

ლარგვისის ზატიკი — XV საუკუნის ქართული ხელნაწერი ლიტურგიკული წიგნი, რომელიც შეიცავს აღდგომის პერიოდის საგალობლებს. გადაწერილია კალიგრაფი ბარნაბას მიერ შალვა ერისთავის დაკვეთით.

საწერ მასალად გამოყენებულია ეტრატი. შეიცავს 175 ფურცელს, რომელთა ზომებია 25,6X20,2 სანტიმეტრი. მოხატულია თავსამკაულებით, საზედაო ასოებითა და მინიატიურებით, რომლებზეც საუფლო დღესასწაულების სცენებია გამოსახული.

ლარგვისის ზატიკი დღეს ინახება საქართველოს ხელნაწერთა ეროვნული ცენტრის A ფონდში (A-25).

ლიტერატურა

• ქართული ხელნაწერი წიგნი, V-XIX საუკუნეები, თბილისი, 2012, გვ. 82