ლანგა-ცო
| ლანგა-ცო | |
|---|---|
 ტბა ლანგა-ცო | |
| კოორდინატები: 30°42′ ჩ. გ. 81°14′ ა. გ. / 30.700° ჩ. გ. 81.233° ა. გ. | |
| მდებარეობა |  ჩინეთი
|
| ტერიტორიული ერთეული | ტიბეტის ავტონომიური რეგიონი |
| სიმაღლე ზღვის დონიდან | 4572 მ |
| სიგრძე | 28,6 კმ |
| სიგანე | 18,9 კმ |
| ფართობი | 258 კმ² |
  | |
 მედიაფაილები ვიკისაწყობში
| |
ლანგა-ცო, ლანგაკი, რაკასი, რაკშასტალი (ჩინ.: 拉昂错) — მარილიანი ტბა ჩინეთში, ტიბეტის ავტონომიურ რეგიონში. გაწოლილია მანასაროვარის ტბის დასავლეთითა და კაილასის მთის სამხრეთით, ტიბეტის მთიანეთის სამხრეთ-დასავლეთ ნაწილში, მთის ხეობაში,[1] ზღვის დონიდან 4572 მ სიმაღლეზე. ზედაპირის ფართობი 258 კმ².[2] სიგრძე 28 კმ, სიგანე 18 კმ. ლანგა-ცო განგა-ჩუს 10 კილომეტრიანი ფშანით დაკავშირებულია ტბა მანასაროვართან. ტბაში ოთხი კუნძულია: ტოპსერმა, დოლა, ლაჩატო და დოშარბა.[3] ადგილობრივი ხალხი ამ კუნძულებს თავიანთი იაკებისთვის იყენებს ზამთრის საძოვრებად. ლანგა-ცოს ჩრდილო-დასავლეთ კიდიდან გამოედინება მდინარე ინდის მარცხენა შენაკადი მდინარე სატლეჯი.[4][5]
ტბის სახელწოდება სანსკრიტზე სიტყვასიტყვით ნიშნავს „დემონის ტბას“. აგრეთვე ცნობილია „რავანა-ტალის“ სახელწოდებით. ინდუისტურ მითოლოგიაში მიჩნეულია, რომ ტბა რავანას მიერაა შექმნილი. ტბაში მდებარეობდა სპეციალური კუნძული, რომელზედაც იგი ყოველდღე შივას მსხვერპლად წირავდა საკუთარი თავიდან ერთ-ერთს. მეათე დღეს, შივამ რავანა დააჯილდოვა ზებუნებრივი ძალებით.
ლანგა-ცო განიხილება როგორც ღმერთების მიერ შექმნილი ტბის — მანასაროვარის საპირისპირო. მანასაროვარს აქვს მომრგვალო ფორმა, მაშინ როდესაც ლანგა-ცოს მოგრძო ნახევარმთვარის მოყვანილობა, რაც შესაბამისად, სინათლისა და წყვდიადის სიმბოლოა. გარდა ამისა, მანასაროვარში წყალი სუფთა და მტკნარია, ხოლო ლანგა-ცოში მარილიანი, მასში არ ხარობს წყალმცენარეები და თევზები. ადგილობრივებს იგი შხამიან ტბად მიაჩნიათ.[6]
სქოლიო
[რედაქტირება | წყაროს რედაქტირება]- ↑ ლანგა-ცო // დიდი საბჭოთა ენციკლოპედია (რუსული)
- ↑ Vgl. Kailash Sacred Landscape Conservation Initiative, S. 31, Figure 18.
- ↑ The main results of the expedition Kailash - 2010 May 5 – 31, 2010 (ინგლისური)
- ↑ ლანგა-ცო // ენციკლოპედია ბრიტანიკა (ინგლისური)
- ↑ სატლეჯი // დიდი საბჭოთა ენციკლოპედია (რუსული)
- ↑ 10 Most Dangerous Lakes In The World დაარქივებული 2019-02-18 საიტზე Wayback Machine. (ინგლისური)