კუკუ-იამანი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
კუკუ-იამანი
Bharal, Himalayan blue sheep In Tibet.jpg
კუკუ-იამანი
მეცნიერული კლასიფიკაცია
სამეფო: ცხოველები
ტიპი: ქორდიანები
კლასი: ძუძუმწოვრები
რიგი: წყვილჩლიქოსნები
ქვერიგი: მცოხნელები
ოჯახი: ძროხისებრნი
ლათინური სახელი
Pseudois nayaur
დაცვის სტატუსი

კუკუ-იამანი, ნახური (ლათ. Pseudois nayaur) — წყვილჩლიქოსანი ცხოველი ძროხისებრთა ოჯახისა. ახასიათებს თხისა და ცხვრის ნიშნები. მისი სხეულის სიგრძე 140 სმ აღწევს, სიმაღლე მინდაოში 90 სმ-მდე, წონა 73 კგ-მდე. მამლებს მოხრილი, გვერდით გადახრილი რქები აქვს, რომელთა სიგრძეა 80 სმ. დედლებს პატარა რქები აქვს. მურა-რუხი შეფერილობისაა, დაჰკრავს მოცისფრო ელფერი. მუცელი და ფეხები ნაწილობრივ თეთრია. გავრცელებულია ცენტრალური აზიის მაღალმთიანეთებში, ადის ზღვის დონიდან 3500-5000 მ სიმაღლეზე. გვხვდება ჩინეთში, მონღოლეთში, ნეპალსა და ქაშმირში. უპირატესობას ანიჭებს მთათა ციცაბო კლდოვან მონაკვეთებს. ცხოვრობს ჯოგებად. იკვებება ბალახით. შეწყვილება ხდება სექტემბერში. ნაშიერს შობს გაზაფხულზე. ნადირობის ობიექტია. იყენებენ მის ტყავს, ხორცს.

რესურსები ინტერნეტში[რედაქტირება]