კვაჰუ

კვაჰუ
კოორდინატები: 6°34′48″ ჩ. გ. 0°43′47″ დ. გ.
ქვეყანა	განა
ტერიტორიული ერთეული	აღმოსავლეთის რეგიონი
უმაღლესი წერტილი	აკვავა
სიმაღლე	788 მ
სიგრძე	260 კმ

კვაჰუ — პლატო სამხრეთ განაში. მოიცავს მდინარე ვოლტის აუზის ამაღლებულ სამხრეთ კიდეს. ქალაქ ვენჩიდან კოფორიდუამდე, შესაბამისად, ჩრდილო-დასავლეთიდან სამხრეთ-აღმოსავლეთისაკენ გადაჭიმულია 260 კილომეტრზე. კვაჰუ განის მთავარი წყალგამყოფია. წარმოადგენს ერთი მხრივ ქვეყნის დასავლეთი (ბირიმი, პრა, ანკობრა) და მეორე მხრივ აღმოსავლეთი (აფრამი, პრუ, სენე) ნაწილის მდინარეთა აუზების წყალგამყოფს. პლატოს საშუალო სიმაღლე 460 მ-ს აღწევს. ჩრდილოეთით და სამხრეთით მკა­ფიოდაა გამოკვეთილი ეროზიული ფერდობები. ღრმად არის დანაწევრებული მდინარეთა ხეობებით. მაქსიმალური სიმაღლე 788 მ-ს აღწევს (მთა აკვავა). სამხრეთით შემოსილია ხშირი ტყით, რომელიც მას იცავს ჰარმატანისაგან. მთავარი ქალაქებია: ვენჩი, მამპონგი, მპრაესო და აბეტიფი.

რესურსები ინტერნეტში

• კვაჰუ — სტატია ენციკლოპედია ბრიტანიკიდან (ინგლისური)