კასანდრა პეტერსონი
| კასანდრა პეტერსონი | |
|---|---|
 კასანდრა პეტერსონი 2011 წელს | |
| დაბადების სახელი | კასანდრა პეტერსონი |
| დაბადების თარიღი |
17 სექტემბერი, 1951 მანჰეტენი, აშშ |
| საქმიანობა |
მსახიობი ტელეწამყვანი |
| აქტიური | 1970–დღემდე |
| მეუღლე(ები) | მარკ პირსონი (1981-2003) |
| საიტი | ოფიციალური საიტი |
კასანდრა პეტერსონი (ინგლ. Cassandra Peterson; დ. 17 სექტემბერი, 1951) — ამერიკელი მსახიობი. ცნობილია თავისი როლებით ფილმებში: „ელვირა: ბნელეთის ბრძანებელი“ და „ელვირა: ბნელეთის ბრძანებელი 2“.
კასანდრა პეტერსონი დაიბადა 1951 წლის 17 სექტემბერს, ქალაქ კანზასში. მოგვიანებით მისი ოჯახი საცხოვრებლად კოლორადო-სპრინგზში გადავიდა, სადაც 1969 წელს საშუალო სკოლა დაამთავრა. ახალგაზრდა წლებში გეი ბარში გოუ-გოუ მოცეკვავედ მუშაობდა. შემდეგ დაბინავდა ლას-ვეგასში, სადაც ერთ-ერთ კაზინოში გახდა შოუს გოგონა. 1971 წელს ეპიზოდური როლი მიიღო ფილმში „ალმასები სამუდამოდ“. 1970-იანი წლების დასაწყისში საცხოვრებლად იტალიაში მიდის. გამოდიოდა ცნობილი როკ-ჯგუფის „I Latins Ochanats“ წევრებთან ერთად. იტალიაში ყოფნისას გაიცნო იტალიელი კინორეჟისორი ფედერიკო ფელინი, რომელმაც პეტერსონს მცირე როლი მისცა ფილმში „რომი“. აშშ-ში დაბრუნების შემდეგ კასანდრა პეტერსონი ქვეყანაში ბევრს მოგზაურობდა, გამოდიოდა ღამის კლუბებში, გეი დისკოტეკებზე და სხვა.
1980-იან წწ. არაერთ ფილმში მიიღო მონაწილეობა. 1988 წელს მთავარი როლი მიიღო ფილმში „ელვირა: ბნელეთის ბრძანებელი“, ხოლო 2001 წელს მის გაგრძელებაში „ელვირა: ბნელეთის ბრძანებელი 2“.
კასანდრა პეტერსონი ვეგეტარიანელია.[1][2]
რესურსები ინტერნეტში
[რედაქტირება | წყაროს რედაქტირება]- კასანდრა პეტერსონი კინოფილმების ინტერნეტ-მონაცემთა ბაზაში
- კასანდრა პეტერსონი დაარქივებული 2011-08-08 საიტზე Wayback Machine. (ინგლისური)
- კასანდრა პეტერსონი დაარქივებული 2011-12-29 საიტზე Wayback Machine. (ინგლისური)