იოსებ ბახტაძე

იოსებ ბახტაძე (დ. 2 აპრილი, 1929 — გ. ივნისი, 2005) — ქართველი მხატვარი და პედაგოგი. დაიბადა სოფელი კუხში, ხონის რაიონში. 1955 წელს დაამთავრა თბილისის სამხატვრო აკადემია და ამავე აკადემიაში ეწეოდა პედაგოგიურ მოღვაწეობას. მუშაობდა მსუბუქი მრეწველობის ნაწარმის მხატვრულ–კომპლექსური გაფორმების დარგში. მონაწილეობდა თბილისის (1970), ნოვოროსიისკის (1972), სანქტ–პეტერბურგის (1976) მხატვრულ–კომპლექსური, აგრეთვე საქართველოს მეცნიერებათა აკადემიის პრეზიდიუმის შენობის გაფორმებაში. მისი ნამუშევრები ინახება საქართველოს ხელოვნების მუზეუმში, ქუთაისის, თერჯოლის და სხვა ქალაქების სამხატვრო გალერეებსა და მუზეუმებში.

ორგანიზაციის, ასოციაციის ან ჯგუფის წევრი

• საქართველოს ჰუმანიტარულ და სახელოვნებო მეცნიერებათა აკადემია, აკადემიკოსი.

ჯილდოები, პრემიები და პრიზები

• 1986 - საქართველოს დამსახურებული მხატვარი
• საქართველოს კულტურის დამსახურებული მუშაკი
• ღირსების ორდენი

ლიტერატურა

საქართველო: ენციკლოპედია, ტ. I, თბ., 1997, გვ. 383, სოსო ბახტაძე, ხსოვნა, საქართველოს რესპუბლიკა, თბილისი, 2005, 5 ივნისი, N132 (5165), გვ. 8

რესურსები ინტერნეტში

• იოსებ ბახტაძე — საქართველოს ბიოგრაფიული ლექსიკონი