ინდიანა ევანზი
| ინდიანა როუზ ევანზი | |
|---|---|
 ინდიანა როუზ ევანზი | |
| მშობლიური სახელი | Indiana Rose Evans |
| დაბადების თარიღი | 27 ივლისი, 1990 |
| მოქალაქეობა |
 ავსტრალია |
| საქმიანობა | მსახიობი, მომღერალი, კომპოზიტორი |
| აქტიური | 2003-დან 2015-მდე |
ინდიანა როუზ ევანზი (ინგლ. Indiana Rose Evans; დ. 27 ივლისი, 1990) — ავსტრალიელი მსახიობი, მომღერალი და კომპოზიტორი, რომელიც ცნობილია თავისი როლებით ფილმებში „Home and Away“ (როგორც მატილდა ჰანტერი), „H 2 O: უბრალოდ დაამატე წყალი“ (ბელა ჰარტლის როლში) და „ცისფერი ლაგუნა: გამოღვიძება“. (როგორც ემალაინ რობინსონი)
ადრეული ცხოვრება[რედაქტირება | წყაროს რედაქტირება]
ევანზმა სპექტაკლის მიმართ ინტერესი ხუთი წლის ასაკიდან გამოიჩინა, როდესაც ის ოჯახის წევრებისთვის და მეგობრებისთვის გამოდიოდა სახლში მოწყობილ სცენაზე. შვიდი წლის ასაკში ევანზი მშობლებმა ცეკვის გაკვეთილებზე მიიყვანეს. თავიდან იგი სწავლობდა ბალეტს, შემდეგ კი ჯაზსა და ტეპს.
სანამ ინდიანას „Home and Away“-ში როლზე დაამტკიცებდნენ, სწავლა ნიუთაუნის საშემსრულებლო ხელოვნების უმაღლეს სკოლაში დაიწყო. მაგრამ ორი კვირის შემდეგ მან ეს სასწავლებელი დატოვა, სამსახიობო კარიერაზე ფოკუსირებისთვის. აღსანიშნავია ისიც რომ, ევანზს კორესპოდენციის კურსი 15 წლის ასაკში უკვე გავლილი ჰქონდა.
კარიერა[რედაქტირება | წყაროს რედაქტირება]
ევანზის სამსახიობო დებიუტი შედგა 2003 წელს, ავსტრალიურ სამედიცინო დრამაში „All Saints“. შემდეგ მან მიიღო მთავარი როლი Kool-Aid-ის ამერიკულ კამპანიაში. იმავე წელს ევანზმა ითამაშა განმეორებადი როლი Nine Network-ის საბავშვო სერიალში „Snobs“, რომელშიც მოქმედება ხდება ორი უცნაური მეგობრის გარშემო. ისინი სხვადასხვა სამყაროდან არიან. სერიალი მხოლოდ ერთ სეზონს გაგრძელდა. ევანზი მას შემდეგ გამოჩნდა სხვა შოუებში, როგორებიცაა: „Comedy Inc.“, „Cops LAC“ და „The Strip“.
„Snobs“-ის შემდეგ, ევანზი შეუერთდა Seven Network- ის ხანგრძლივ სერიალის „Home and Away“-ის მსახიობებს. მან განასახიერა მატილდა ჰანტერი, პრივილეგირებული თინეიჯერი გოგონა, რომელიც იძულებულია გადავიდეს საზაფხულო ბეი ქარავანის პარკში. როლისთვის ევანზი იყო ნომინირებული Logie Award-სა და Inside Soap Award-ზე. 2008 წლის აპრილში ევანზს შესთავაზეს კონტრაქტის გახანგრძლივება, წინააღმდეგ შემთხვევაში მას მოუწევდა სერიალის დატოვება. „Home and Away“-ში იგი უკანასკნელად გამოჩნდა 2008 წლის ივლისში.
2009 წელს ევანზმა ითამაშა Network Ten-ის სატელევიზიო ფილმში, სახელად – „A Model Daughter: The Killing of Caroline Byrne“. იმავე წელს, ევანზმა შეცვალა კლერ ჰოლტი, როგორც ერთ-ერთი სირინოზი, საბავშვო სატელევიზიო სერიალში H 2 O: უბრალოდ დაამატე წყალი. მან შეასრულა იზაბელა ("ბელა") ჰარტლის როლი, რომელიც არის დამწყები მომღერალი და ქალთევზა ცხრა წლის ასაკიდან. ევანზმა იმღერა თემატური სიმღერა "No Ordinary Girl", ისევე როგორც რამდენიმე დამატებითი ტრეკი, რომლებიც გამორჩეული იყო სეზონების განმავლობაში. მან დაასრულა სოლო საუნდტრეკის ალბომი სერიალისთვის, რომელიც გამოვიდა 2011 წლის მარტში. სერიალი აღარ განახლებულა მეოთხე სეზონით.
2010 წლის აგვისტოში ევანზის დებიუტი შედგა სრულმეტრაჟიან ფილმში „Arctic Blast“, პერსონაჟის ნაომი ტეიტის როლით. ფილმი მოგვითხრობს მსოფლიოზე რომელსაც მზის დაბნელების გამო, ემუქრება ყინულში ჩაძირვა და ახალი გამყინვარების პერიოდის დაწყება. ფილმი გადაღებულია ტასმანიაში და მიიღო 5 A$5 მილიონიანი ბიუჯეტით. მან მიიღო სხვადასხვაგვარი შეფასებები კრიტიკოსებისგანაც.
2010 წლის ნოემბერში ევანზი გადაიყვანეს ABC1 Legal Drama-ს სატელევიზიო სერიალში „Crownies“. ეს სერიალი ასახავს იურიდიული სკოლის ახალგაზრდა ადვოკატთა ჯგუფს, რომლებიც მუშაობენ პროკურატურის დირექტორის ოფისში. ევანზი თამაშობდა ცნობილი განგსტერის ქალიშვილის – ტატუმ ნოვაკის როლს. სერიალი გადაიღეს სიდნეიში (ახალი სამხრეთ უელსი) ხოლო პრემიერა შედგა 2011 წლის 14 ივლისს; ერთი სეზონი გამოვიდა და აღარ განახლებულა.
2012 წლის თებერვალში ევანზმა ხელი მოაწერა კონტრაქტს ქალის მთავარი როლის შესასრულებლად,Lifetime-ის სატელევიზიო ფილმში ცისფერი ლაგუნა: გამოღვიძება, ავსტრალიელ მსახიობთან, ბრენტონ ტუეიტსთან ერთად, რომელიც ასევე მონაწილეობდა სერიალში „Home and Away“.
2014 წლის თებერვალში ევანზი შეუერთდა აშშ-ს სატელევიზიო დრამას – „Secrets and Lies“. [1] სერია გამოვიდა ABC-ზე და ეფუძნება ამავე სახელწოდების ავსტრალიურ სერიალს, რომელიც პირველად გამოვიდა 2014 წლის მარტში.
ფილმოგრაფია[რედაქტირება | წყაროს რედაქტირება]
| წელიწადი | სათაური | როლი |
|---|---|---|
| 2008 წ | ტვირთი | ლარა ბოიდ-კატლერი |
| 2008 წ | ტატუისტთან | საქართველოს |
| 2010 წელი | არქტიკული აფეთქება | ნაომი ტეიტი |
| 2011 წელი | სმიტი | კია |
| 2012 წელი | წითურები | ქერა მიმტანი |
| წელიწადი | სათაური | როლი |
|---|---|---|
| 2003 წ | ყველა წმინდანი | მილი რობერტსი |
| 2003–2004 წწ | სნობები | ები ოკლი |
| 2004–2008 წწ | სახლში და გარეთ | მატილდა ჰანტერი |
| 2008 წ | ზოლები | ჩინეთი უილიამსი |
| 2009–2010 წწ | H <sub id="mwvg">2</sub> O: უბრალოდ დაამატე წყალი | ბელა |
| 2009 წ | მოდელი ქალიშვილი: ქეროლაინ ბირნის მკვლელობა | კაილი უოტსონი |
| 2010 წელი | პოლიციელები LAC | კაილი ტრემეინი |
| 2011 წელი | გვირგვინები | ტატუმ ნოვაკი |
| 2012 წელი | ცისფერი ლაგუნა: გამოღვიძება | ემალინ "ემა" რობინსონი |
| 2013 წელი | ჯანეტ კინგი | ტატუმ ნოვაკი |
| 2015 წელი | საიდუმლოებები და ტყუილები | ნატალი კროუფორდი |
| 2015 წელი | სახლის ქმრები | ტაში |
ჯილდოები და ნომინაციები[რედაქტირება | წყაროს რედაქტირება]
| წელიწადი | ჯილდო | კატეგორია |
|---|---|---|
| 2005 წ | Logie Awards | ყველაზე პოპულარული ახალგაზრდა, ნიჭიერი ქალი |
| 2005 წ | Nickelodeon Kids' Choice Awards | ამომავალი ვარსკვლავი |
| 2007 წ | Inside Soap Awards | საუკეთესო ახალგაზრდა მსახიობი |
| 2008 წ | Inside Soap Awards | ყველაზე სექსუალური ქალი |
| 2008 წ | Dolly Teen Choice Awards | მოზარდების დედოფალი |
რესურსები ინტერნეტში[რედაქტირება | წყაროს რედაქტირება]
სქოლიო[რედაქტირება | წყაროს რედაქტირება]
- ↑ Idato, Michael (28 February 2014). „Indiana Evans joins Juliette Lewis in US remake of Secrets and Lies“. The Sunday Morning Herald: Entertainment. ციტირების თარიღი: 13 March 2014.
