ილო ჯიბლაძე
| ილო ჯიბლაძე | |
|---|---|
 | |
| დაბ. თარიღი | 25 დეკემბერი, 1916 |
| დაბ. ადგილი | ბათუმი |
| გარდ. თარიღი | 5 მაისი, 1992 (75 წლის) |
| გარდ. ადგილი | თბილისი |
| მოქალაქეობა |
 სსრკ საქართველო |
| საქმიანობა | გეოგრაფი |
| ალმა-მატერი | თბილისის სახელმწიფო უნივერსიტეტი |
| სამეცნიერო ხარისხი | გეოგრაფიულ მეცნიერებათა კანდიდატი |
ილო (ილარიონ) ჯიბლაძე (დ. 25 დეკემბერი, 1916 — გ. 5 მაისი, 1992) — ქართველი გეოგრაფი და პედაგოგი. გეოგრაფიულ მეცნიერებათა კანდიდატი (1969), დოცენტი (1972).
ბიოგრაფია[რედაქტირება | წყაროს რედაქტირება]
ილო ჯიბლაძემ დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ეკონომიკური გეოგრაფიის სპეციალობით 1941 წელს. მონაწილეობდა მეორე მსოფლიო ომში, საიდანაც დაბრუნდა 1945 წლის ნოემბერში. 1946 წელს მუშაობა დაიწყო აჭარის ასსრ განათლების სამინისტროში ინსპექტორად; იმავე წლის ნოემბრიდან გადავიდა ბათუმის შოთა რუსთაველის სახელობის სახელმწიფო პედაგოგიურ ინსტიტუტში გეოგრაფიის კათედრაზე.[1]
ილო ჯიბლაძემ საკანდიდატო დისერტაცია დაიცვა 1969 წელს თემაზე: „ქ. ბათუმისა და ქ. ტუაფსეს შედარებითი ეკონომიკურ-გეოგრაფიული დახასიათება“. მის სადისერტაციო ნაშრომში დეტალურად არის განხილული და ერთმანეთთან შედარებული ორი ქალაქის — ბათუმისა და ტუაფსეს მრეწველობა, განათლება, კულტურის კერები და საქალაქო მეურნეობა ეკონომიკურ-გეოგრაფიულ ჭრილში. ავტორია 32 სამეცნიერო ნაშრომისა.[1]
ბიბლიოგრაფია[რედაქტირება | წყაროს რედაქტირება]
- ბათუმის რაიონი : ეკონ-გეოგრ. დახასიათება (ავტორი). ბათუმი, [აჭარის] სახელგამი, 1960.