ელიფ შაფაქი

ელიფ შაფაქი
თურქ. Elif Şafak
დაბადების თარიღი	25 ოქტომბერი, 1971(1971-10-25) (54 წლის)
დაბადების ადგილი	სტრასბური, საფრანგეთი
საქმიანობა	მწერალი , რომანისტი და ჟურნალისტი
ენა	თურქული ენა და ინგლისური ენა
მოქალაქეობა	თურქეთი
ალმა-მატერი	ახლო აღმოსავლეთის ტექნიკური უნივერსიტეტის ეკონომიკისა და მართვის ფაკულტეტი და ახლო აღმოსავლეთის ტექნიკური უნივერსიტეტი
ჟანრი	პოსტმოდერნიზმი
Magnum opus	The Forty Rules of Love, ჰავას სამი ქალიშვილი და Terra Incognita
ჯილდოები	ხელოვნებისა და ლიტერატურის ორდენის კავალერი, Ehrenpreis des österreichischen Buchhandels für Toleranz in Denken und Handeln , 100 ქალი და ლიტერატურის სამეფო საზოგადოების წევრი
მეუღლე	ეიუფ ჯანი
ხელმოწერა
საიტი	elifsafak.com.tr
ელიფ შაფაქი ვიკისაწყობში

ელიფ შაფაქი (თურქ. Elif Şafak; დ. 25 ოქტომბერი 1971, სტრასბურგი) — თურქი მწერალი, მიმომხილველი და ორატორი.

ბიოგრაფია

დიპლომატების ოჯახიდან, დაიბადა საფრანგეთში. მშობლების გაყრის შემდეგ დარჩა დედასთან, ცხოვრობდა ესპანეთსა და იორდანიაში, შემდგომ დასახლდა თურქეთში. დაამთავრა ტექნიკური უნივერსიტეტი ანკარაში, დაიცვა დისერტაცია ფილოსოფიაში, რომელიც ეძღვნებოდა გენდერული იდენტურობის პრობლემებს. ერთი წლის განმავლობაში იყო აშშ-ში სტაჟირებაზე, შემდგომ წლებში კი მიწვეულ პედაგოგად რიგ ამერიკულ უნივერსიტეტში. ცხოვრობს თურქეთსა და აშშ-ში, წერს თურქულ და ინგლისურ ენებზე, თანამშრომლობს აშშ-ს და ევროპის პრესასთან.

არის საერთაშორისო ურთიერთობების ევროპული საბჭოს წევრი. რომანის „სტამბულელი ნაბიჭვარი“ (2006), სადაც ნახსენებია სომხების გენოციდი, ორჯერ წაეყენა ერის შეურაცყოფის ბრალდება, რის გამოც მას სამ წლამდე თავისუფლების აღკვეთა ემუქრებოდა. ორივეჯერ მოეხსნა ბრალდება მტკიცებულებათა არასაკმარისობის გამო.

შაფაქის წიგნების უმრავლესობა სუფიზმთან დაკავშირებული ისტორიული რომანებია. წერს აგრეთვე სიმღერებს როკ-ანსამბლებისათვის, ესსეებს პოლიტიკისა და კულტურის თემებზე.

ბიბლიოგრაფია

• Kem Gözlere Anadolu, 1994, Evrensel, ISBN 9789757837299
• Pinhan, 1997, Metis, ISBN 975-342-297-0
• Şehrin Aynaları, 1999, Metis, ISBN 975-342-298-9
• Mahrem, 2000, Metis, ISBN 975-342-285-7
• რწყილების სასახლე, 2002, Metis, ISBN 975-342-354-3
• დაუსრულებელ გატაცებათა ღმერთი, 2004, Metis,
• Beşpeşe, 2004, Metis, ISBN 975-342-467-1 (მურათჰან მუნგანთან, ფარუქ ულაითან, ჯელილ ოქერთან და ფინარ ქიურთან ერთად)
• Med-Cezir, 2005, Metis, ISBN 975-342-533-3
• სტამბოლელი ნაბიჭვარი, 2006, Metis, ISBN 978-975-342-553-7
• Siyah Süt, 2007, Doğan, ISBN 975-991-531-6
• სიყვარულის ორმოცი წესი , 2009, Doğan, ISBN 978-605-111-107-0
• Kâğıt Helva, 2010, Doğan, ISBN 978-605-111-426-2
• Firarperest, 2010, Doğan, ISBN 978-605-111-902-1
• ღირსება, 2011, Doğan, ISBN 978-605-090-251-8
• The Happiness of Blond People: A Personal Meditation on the Dangers of Identity , 2011, Penguin, ASIN B0069YVWOE
• Şemspare, 2012, Doğan, ISBN 978-605-090-799-5
• ხუროთმოძღვრის შეგირდი, 2013, Doğan, ISBN 978-605-09-1803-8
• Sakız Sardunya, 2014, Doğan, ISBN 978-605-09-2291-2
• ათი წუთი და ოცდათვრამეტი წამი ამ უცნაურ სამყაროში, 2019

აღიარება

შაფაქის წიგნები კოლოსალური წარმატებით სარგებლობენ თურქეთში, მათ მინიჭებული აქვთ თვალსაჩინო ეროვნული პრემიები, მრავალ ენაზე არიან თარგმნილი. 2007 წელს თურქეთის წიგნების გამომცემელთა კავშირმა მწერალ ქალს სიტყვის თავისუფლების პრემია მიანიჭა. ხელოვნებათა და ლიტერატურის ორდენის (საფრანგეთი) კავალერი.

რესურსები ინტერნეტში

• პერსონალური ვებ-გვერდი დაარქივებული 2012-12-16 საიტზე Wayback Machine.