ეკვადორი-საქართველოს ურთიერთობები

საქართველოსა და ეკვადორის რესპუბლიკას შორის დიპლომატიური ურთიერთობები დამყარდა 1998 წლის 28 იანვარს.

საქართველოს საგანგებო და სრულუფლებიანი ელჩები ეკვადორის რესპუბლიკაში:

• ოთარ ბერძენიშვილი (რეზიდენციით ქ. ბრაზილია) — 2012 წლის 15 მარტიდან 2014 წლის 26 მარტამდე;
• გელა სეხნიაშვილი (რეზიდენციით ქ. ბუენოს-აირესი) — 2014 წლის 23 ოქტომბრიდან 2017 წლის 1 ივნისამდე;
• ირაკლი ყურაშვილი (რეზიდენციით ქ. ბუენოს-აირესი) — 2018 წლის 7 მაისიდან დღემდე.

ეკვადორის რესპუბლიკის საგანგებო და სრულუფლებიანი ელჩები საქართველოში:

• აგუსტო საა კორიერე (რეზიდენციით ქ. ანკარა) — 2013–2015;
• რობერტო ბეტანკური რუალესი (რეზიდენციით ქ. ანკარა) — 2016 წლის 29 ნოემბრიდან დღემდე.

ურთიერთობა

ორმხრივი პოლიტიკური დიალოგის გაღრმავებასთან ერთად, ეკვადორსა და საქართველოს შორის მიმდინარეობს თანამშრომლობა ეკონომიკის, სოფლის მეურნეობის, გარემოს დაცვის, კულტურისა და განათლების სფეროებში. 2011 და 2012 წლებში, ნაცვალგების პრინციპის საფუძველზე, თავდაპირველად გაიმართა ეკვადორის კულტურის დღეები საქართველოში, ხოლო შემდეგ — საქართველოს კულტურის დღეები ეკვადორში. მხარეები თანამშრომლობენ საერთაშორისო ორგანიზაციების ფარგლებში. რეგულარულად ხორციელდება მაღალი და უმაღლესი დონის ორმხრივი შეხვედრები სხვადასხვა ფორუმების ფარგლებში.

რესურსები ინტერნეტში

• ურთიერთობები საქართველოსა და ეკვადორის რესპუბლიკას შორის დაარქივებული 2020-11-09 საიტზე Wayback Machine.