ეკატერინა კუზნეცოვა
| ეკატერინა კუზნეცოვა | |
|---|---|
 უკრაინელი მსახიობი ეკატერინა კუზნეცოვა | |
| დაბადების სახელი | Екатерина Кузнецова |
| დაბადების თარიღი |
12 ივლისი, 1987 კიევი, უკრაინის სსრ |
| ეროვნება |
 უკრაინელი |
| საქმიანობა | მსახიობი |
| აქტიური | 2005 - დღემდე |
| მშობლები |
მამა: ოლეგ კუზნეცოვი დედა: ალა ბორისენკო |
| საიტი | Twitter-ის გვერდი |
.jpg)
ეკატერინა კუზნეცოვა (დ. 12 ივლისი, 1987; კიევი, უკრაინის სსრ) — უკრაინელი მსახიობი და ტელეწამყვანი. ეკატერინა დაიბადა 1987 წლის 12 ივლისს კიევში ცნობილი უკრაინელი ფეხბურთელის ოლეგ კუზნეცოვის ოჯახში. ეკატერინას ნათამაშები აქვს როლები როგორც რუსულ ფილმებსა და სერიალებში, ასევე უკრაინულ ფილმებსა და სერიალებში.
ბიოგრაფია
[რედაქტირება | წყაროს რედაქტირება]ეკატერინა კუზნეცოვა დაიბადა 12 ივლისს 1987 წელს, მისი მამა ცნობილი უკრაინელი ფეხბურთელი, სპორტის დამსახურებული ოსტატი ოლეგ კუზნეცოვია, დედა კი - უკრაინელი მძლეოსანი ალლა ბორისენკო. ეკატერინას მამა რეინჯერებში თამაშის დროს შოტლანდიის ერთ-ერთ ქალაქში გლაზგოში ცხოვრობდა. სწორედ ამ ქალაქში ჰქონდა ოლეგ კუზნეცოვს ვარჯიშები, ამის გამო ეკატერინამ ბავშვობის უმეტესი ნაწილი სწორედ რომ გლაზგოში გაატარა. ეკატერინა მუდმივად დალკავებული იყო, ის სწავლობდა ადგილობრივ სკოლაში, სკოლის შემდეგ კი ემზადებოდა ჩოგბურთში, ფარიკაობაში, ასევე მღეროდა კიევის ერთ-ერთ გუნდში. მამის სურვილით ეკატერინა ვარჯიშობდა ფეხბურთშიც, ფიქრობდნენ რომ ის შეიძლებოდა კარგი ფეხბურთელი გამხდარიყო. თუმცა რამდენიმე ვარჯიშის შემდეგ, ნათელი გახდა, რომ გოგონა სპორტის ამ სახეობაში მამასავით ნიჭიერი არ იყო.[1]
სკოლის დამთავრების შემდეგ ეკატერინა კუზნეცოვამ გადაწყვიტა გამხდარიყო მსახიობი. ის შოტლანდიიდან მშობლიურ უკრაინაში, კიევში დაბრუნდა და სწავლა განაგრძო კიევის ი. კარპენკო-კაროგოს სახელობის თეატრის, კინოსა და ტელევიზიის ნაციონალური უნივერსიტეტში, სადაც იგი დაეუფლა სამსახიობო ხელოვნებას.
2006 წლისთვის, ეკატერინა ჯერ კიდევ თაეტრის, კინოსა და ტელევიზიის ნაციონალური უნივერსიტეტში სწავლობდა, სწორედ მაშინ ითამაშა მისი პირველი როლი კინოში. მან როლი ოლეგა მასლენიკოვის სატელევიზიო სერიალში „ანგელოზი ორლიდან-ში“ მირეის როლი ითამაშა. სწორედ აქედან დაიწყო მისი, როგორც მსახიობის კარიერა. ამის შემდეგ მონაწილეობა მიიღო ფილმში სახელად ფსიქოპათი, ასევე ითამაში სერიალში: „გულს ვერ დასჯი“, სადაც ეკატერინამ მარია საველევას როლი მოირგო. 2008 წელს მსახიობი ტელეკომპანია „1+1-მა“ მიიწვია სატელევიზიო შოუში სახელად: „ვცეკვავ შენთვის“. ამ შემოთავაზებას დანანხმდა, პროექტში მეწყვილეობას მურათ ჰუდელი უწევდა, იმ სეზონში ეკატერინამ და მისმა მეწყვილემ პირველი ადგილი დაიკავეს.[2]
2009 ეკატერინამ წარმატებით დაამთავრა თეატრისა და კინოს უნივერსიტეტი და გახდა პროფესიონალი მსახიობი, რომელსაც უკვე ჰქონდა რამდენიმე ფილმში თამაშის გამოცდილება. ეკატერინას არა მარტო კინოში იღებდნენ, არამედ იგი კიევის ახალგაზრდათა თეატრის სპექტაკლებშიც მონაწილეობდა. 2010 წელს კი მსახიობი მამაკაცთა ჟურნალის „Maxim-ის“ მთავარ გვერდზეც გამოჩნდა.
2011 წელს, ეკატერინამ ითამაშა კირილ კუზინის, კომედიური ჟანრის ფილმში „საუკეთესო ფილმი 3“.[3] ამ ფიმლში ეკატერინა ასრულებდა ერთ-ერთ მთავარ როლს. ეკატერინას ასევე დიდი პოპულარობა მოუტანა „ოფიციანტი საშას“ როლმა, დიმიტრი დიაჩენკოს ტელესერიალში „სამზარეულო“.
პირადი ცხოვრება
[რედაქტირება | წყაროს რედაქტირება]ეკატერინა ცდილობს უცხოებს დაუმალოს საკუთარი ცხოვრება. 2010 წელს ეკატერინამ ერთი დედაქალაქი მეორეთი შეცვალა, ის კიევიდან საცხოვრებლად მოსკოვში გადავიდა, სადაც განაგრძო საკუთარი სამსახიობო კარიერა. მოსკოვში ეკატერინა საცხოვრებლად ცნობილ რუს მსახიობთან ევგენი პრონინიმთან გადავიდა. ეკატერინა და ევგენი ერთმანეთს ჯერ კიდევ იმ დროს ხვდებოდნენ, როდესაც ეკატერინა კიევში ცხოვრობდა. სწორედ კიევში დაიწყო მათი რომანი და ეკატერინაც მოსკოვში საცხოვრებლად ევგენის თხოვნით გადავიდა.
ფილმოგრაფია
[რედაქტირება | წყაროს რედაქტირება]ფილმები
[რედაქტირება | წყაროს რედაქტირება]| წელი | ფილმი | როლი | ენა | შენიშვნები |
|---|---|---|---|---|
| 2007 | ფსიქოპათი | ალიონა | უკრაინული ენა | |
| 2008 | დიდი სხვაობა | პოლინა | უკრაინული ენა | |
| 2011 | საუკეთესო ფილმი 3 | ბარბარა | რუსული ენა | |
| 2013 | პილოტებისთვის | რუსული ენა | ||
| უფრო სწრაფად, ვიდრე კურდღელი | რუსული ენა |
სერიალები
[რედაქტირება | წყაროს რედაქტირება]| წელი | ფილმი | როლი | ენა | შენიშვნები |
|---|---|---|---|---|
| 2006 | ანგელოზი ორლიდან | მირეი | რუსული და უკრაინული | |
| 2007 | გულს ვერ დასჯი | მარია საველევა | უკრაინული ენა | |
| 2008 | დავიწყოთ თავიდან. მარტა[4] | სვეტლანა ლიტვინობა | რუსული და უკრაინული | მინი სერიალი |
| 2009 | მხოლოდ სიყვარული | ალინა | უკრაინული ენა | |
| 2010 | სულ სხვა ცხოვრება | გალია | უკრაინული ენა | მინი სერიალი |
| 2011 | იმედის თეთრი ვარდები | ანა | უკრაინული ენა | მინი სერიალი |
| ალტა-45 | ვირა | რუსული ენა | ||
| 2012 | მაჩუქე კვირა[5] | ელიზაბეტა გლიბინვა | რუსული ენა | |
| სამზარეულო | საშა | რუსული ენა | ||
| 2013 | სავაჭრო ცენტრი | განა ფადეევა | რუსული ენა | |
| ბანდიტების დედოფალი | პოლინა | რუსული ენა | ||
| 2014 | ერთი წელი ტოსკანაში | რიტა | რუსული ენა |
სქოლიო
[რედაქტირება | წყაროს რედაქტირება]- ↑ ეკატერინა კუზნეცოვა: «ხულიგანი» 3D ფორმატში. დაარქივებულია ორიგინალიდან — 2016-11-15. ციტირების თარიღი: 2013-12-30.
- ↑ ეკატერინა კუზნეცოვა: ბიოგრაფია. დაარქივებულია ორიგინალიდან — 2013-12-16. ციტირების თარიღი: 2013-12-29.
- ↑ კინოჩვენება კიევში, ფილმისა «საუკეთესო ფილმი 3»
- ↑ კინოჩვენება, ფილმი:«დავიწყოთ თავიდან. მარტა»
- ↑ მიმოხივა: «მაჩუქე კვირა»
რესურსები ინტერნეტში
[რედაქტირება | წყაროს რედაქტირება]- ბიოგრაფია დაარქივებული 2013-12-16 საიტზე Wayback Machine.
- ინტერვიუ
- პროფილი KinoPoisk-ზე
- ეკატერინა კუზნეცოვა დაარქივებული 2013-11-09 საიტზე Wayback Machine.
- პროფილი Kino-Teatr-ზე
- მოკლე ბიოგრაფია დაარქივებული 2018-03-15 საიტზე Wayback Machine.