დინამო თბილისი (საკალათბურთო კლუბი)

დინამო თბილისი
ლიგები	საქართველოს სუპერლიგა
დაარსდა	1934
მდებარეობა	თბილისი, საქართველო
გუნდის ფერები	ლურჯი, თეთრი
პრეზიდენტი	ვახტანგ ნაცვლიშვილი
მთავარი მწვრთნელი	ირაკლი ხოშტარია
საიტი	bcdinamo.ge
ფორმები
ძირითადი სარეზერვო

საკალათბურთო კლუბი დინამო თბილისი — პროფესიონალური საკალათბურთო კლუბი ქალაქ თბილისიდან, საქართველო.

ისტორია

კლუბი დაარსდა 1934 წელს, არის ყოფილი საბჭოთა კავშირის ერთ-ერთი უძველესი და ტიტულოვანი საკალათბურთო გუნდი. პირველ დიდ წარმატებას დინამოელებმა მიაღწიეს 1949 წელს, როდესაც საბჭოთა კავშირის თასის გათამაშებაში გაიმარჯვეს. ერთი წლის შემდეგ „დინამომ“ ზედიზედ მეორედ მოიპოვა თასი და თასთან ერთად საბჭოთა კავშირის ჩემპიონის წოდებაც. მომდევნო წლებში „დინამომ“ საბჭოთა კავშირის ჩემპიონის ოქროს მედლები კიდევ ორჯერ მოიპოვა — 1953 და 1954 წლებში, ხოლო 1962 წელს ევროპის ჩემპიონთა თასის მფლობელი გახდა.

საბჭოთა კავშირის თასი 1949

1949 წლის საბჭოთა კავშირის თასის გათამაშების ფარგლებში „დინამომ“ დაამარცხა პეტროზავოდსკის ნაკრები (99–36), კიევის ოფიცერთა სახლი (52–25), ტარტუს უსკა (25–24) და რიგის „დინამო“ (24–19). თბილისის „დინამოს“ ღირსებას იცავდნენ: ალექსანდრე მესხი, ოთარ ქორქია, სულიკო თორთლაძე, შოთა ქორქაშვილი, ჯუმბერ ნიჟარაძე, დავით გოძიაშვილი, მიხეილ კეკელიძე, ლევან ინწკირველი, გივი რუხაძე, თენგიზ მეძმარიაშვილი. მწვრთნელი — შალვა დიასამიძე.

საბჭოთა კავშირის თასი 1950

1950 წლის საბჭოთა კავშირის თასის გათამაშების ფარგლებში „დინამომ“ დაამარცხა ერევნის სკიფ-ი (71–31), ბაქოს „დინამო“ (47–36), ოდესის „ნაუკა“ (39–31), ტარტუს უსკა სათამაშოდ არ გამოცხადდა და ამიტომ გამარჯვება დინამოელებს ჩაეთვალათ. ფინალში თბილისელმა კალათბურთელებმა მოსკოველ თანაკლუბელებს მოუგეს (49–36) და თასს დაეულნენ. თბილისის „დინამოს“ ღირსებას იცავდნენ: ოთარ ქორქია, ნოდარ ჯორჯიკია, ლევან ინწკირველი, ჯუმბერ ნიჟარაძე, დავით გოძიაშვილი, ალექსანდრე მესხი, ვაჟა ჟღენტი, შოთა ქორქაშვილი, თენგიზ მეძმარიაშვილი, გივი რუხაძე. მწვრთნელი — გიორგი ავალიშვილი.

საბჭოთა კავშირის ჩემპიონატი 1950

1950 წლის საბჭოთა კავშირის ჩემპიონატის გათამაშების ფარგლებში დინამოელებმა შემდეგი შეხვედრები ჩაატარეს — წინასწარი თამაშებისას მათ დაამარცხეს: ყაზანის „სპარტაკი“ (57–40), ოდესის „ნაუკა“ (71–43), ალმა-ათის „ბოლშევიკი“ (86–41). ნახევარფინალებში დაამარცხეს ლენინგრადის „დინამო“ (71–39), ლენინგრადის ოფიცერთა სახლი (46–39), მოსკოვის „დინამო“ (24–21), მოსკოვის „ლოკომოტივი“ (56–29), წააგეს მოსკოვის ვვს-თან (34–72). ფინალურ ტურნირში თბილისელებმა ყველა მეტოქე დაამარცხეს: ტარტუს უსკა (34–31), კაუნასის „ჟალგირისი“ (25–20), მოსკოვის ვვს (36–34) და ქვეყნის ჩემპიონის წოდება მოიპოვეს. თბილისის „დინამოს“ ღირსებას იცავდნენ: ოთარ ქორქია, ნოდარ ჯორჯიკია, ჯუმბერ ნიჟარაძე, ლევან ინწკირველი, ვაჟა ჟღენტი, დავით გოძიაშვილი, შოთა ქორქაშვილი, ალექსანდრე მესხი, სულიკო თორთლაძე, გივი რუხაძე. მწვრთნელი — გიორგი ავალიშვილი.

ჯილდოები

საბჭოთა კავშირი

• საბჭოთა კავშირის ჩემპიონატი
  • გამარჯვებული (4): 1950, 1953, 1954, 1968
  • ვიცე-ჩემპიონი (4): 1947, 1960, 1961, 1969
  • ბრინჯაოს პრიზიორი (4): 1948, 1952, 1965, 1977
• საბჭოთა კავშირის თასი
  • გამარჯვებული (3): 1949, 1950, 1969

საქართველო

• საქართველოს სუპერლიგა
  • გამარჯვებული (4): 1991, 1992, 2003, 2014
• საქართველოს თასი
  • გამარჯვებული (2): 2004, 2015

ევროპა

• ჩემპიონთა თასი
  • გამარჯვებული (1): 1962
  • ფინალისტი (1): 1960
• ევროთასი
  • ფინალისტი (1): 1969

მიმდინარე შემადგენლობა

ნომერი	მოთამაშე	ეროვნება	პოზიცია
4	ლამარ კარიმი		PG
5	იოსებ ლეჟავა		G
6	ბექა ჩიკვილაძე		G
7	ზეზვა ლილუაშვილი		G
9	ალექსანდრე ჩოჩია		G
10	კობა კობაიძე		C
11	დავით იოსელიანი		F
12	თორნიკე ნინიაშვილი		C
13	ირაკლი კეიდია		F
20	გიორგი ორმოცაძე		F
23	შოთა გელაზონია		G
32	მილან ოლუიჩი		C
33	ფლინ კლეიმენი		F

პერიოდიკა

• ასე იწერებოდა ბიოგრაფია // „ლელო“, 12 მაისი, 1968, № 92 (3576), გვ. 2.

რესურსები ინტერნეტში

• ოფიციალური საიტი
• გუნდის პროფილი სუპერლიგის ვებგვერდზე დაარქივებული 2013-03-29 საიტზე Wayback Machine.
• გუნდის პროფილი Eurobasket.com-ზე