გიორგი ჯავახიშვილი (დიპლომატი)
| გიორგი ჯავახიშვილი | |
| საქართველოს რესპუბლიკის საგარეო საქმეთა მინისტრი | |
|---|---|
| თანამდებობაზე ყოფნის დრო | |
| 1985 წლის 1 იანვარი – 1990 წლის 1 იანვარი | |
| დაბადებული | 10 ივნისი, 1941 თბილისი, საქართველოს სსრ, სსრკ |
| მოქალაქეობა |  სსრკ →  საქართველო |
| ეროვნება | ქართველი |
გიორგი ჯავახიშვილი (დ. 10 ივნისი, 1941, თბილისი) - ქართველი დიპლომატი, 1985 წლის 1 იანვრიდან 1990 წლის 1 იანვრამდე იყო საქართველოს რესპუბლიკის საგარეო საქმეთა მინისტრი.[1]
გიორგი ჯავახიშვილი დაიბადა 1941 წლის 10 ივნისს ქალაქ თბილისში. 1965 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტი ჟურნალისტიკის სპეციალობით.[1]
1965 წლის 1 ივლისიდან 1979 წლის 1 იანვრამდე მუშაობდა თსუ-ს ჟურნალისტიკის ფაკულტეტზე. სხვადასხვა დროს ეკავა ლაბორანტის, უფროსი მასწავლებლის, დოცენტისა და პროფესორის თანამდებობები.[1]
1979 წლის 1 იანვრიდან 1982 წლის 1 იანვრამდე იყო საქართველოს კპ ცენტრალური კომიტეტის აგიტაცია და პროპაგანდის განყოფილების გამგის პირველი მოადგილე. 1983 წლის 1 იანვრიდან 1985 წლის 1 იანვრამდე იყო თბილისის უცხო ენათა ინსტიტუტის (ამჟამად - ილიას სახელმწიფო უნივერსიტეტი) რექტორი.[1]
1985 წლის 1 იანვრიდან 1990 წლის 1 იანვრამდე იყო საქართველოს რესპუბლიკის საგარეო საქმეთა მინისტრი.[1]
თანამდებობაზე ყოფნის დროს ჯავახიშვილს მიუძღვის განსაკუთრებული წვლილი სსრკ-ის საგარეო უწყებისგან საქართველოს საგარეო უწყების ავტონომიის მოპოვებისთვის ბრძოლაში. მისი თანამდებობაზე ყოფნის დროს გააქტიურდა საქართველოს კავშირი ისრაელთან, თურქეთთან, UNESCO-სა და UNIDO-სთან, გაიხსნა საქართველოს კვაზი-მისიები გერმანიაში, ბელგიაში, შვეიცარიასა და ავსტრიაში. მისი თაოსნობით საქართველო გახდა სსრკ-ის შემადგენლობაში შემავალი პირველი რესპუბლიკა, რომელიც გაწევრიანდა ევროპის რეგიონების ასამბლეაში. სსრკ-ის დაშლისა და საქართველოს დამოუკიდებლობის გამოცხადების შემდეგ მისი შემცვლელი გიორგი ხოშტარია გახდა. [2]
აქვს მინიჭებული I კლასის საგანგებო და სრულუფლებიანი დესპანის რანგი.[1]
ჰყავს მეუღლე და ერთი შვილი.[1]
ფლობს ინგლისურ და რუსულ ენებს.[1]
სქოლიო
[რედაქტირება | წყაროს რედაქტირება]- ↑ 1.0 1.1 1.2 1.3 1.4 1.5 1.6 1.7 გიორგი ჯავახიშვილი. საქართველოს საგარეო საქმეთა სამინისტრო. დაარქივებულია ორიგინალიდან — 2022-03-03. ციტირების თარიღი: 2022-03-03.
- ↑ Nichol, James P. (1995) Diplomacy in the Former Soviet Republics. Westport, CT: Greenwood Publishing Group, გვ. 140. ISBN 0275951928.