გიორგი მერკვილაძე (სპორტსმენი)

გიორგი მერკვილაძე (დ. 1 აგვისტო, 1898, შილდა — გ. 7 მაისი, 1987) — ქართველი და საბჭოთა სპორტსმენი, საბჭოთა კავშირის სპორტის დამსახურებული მოღვაწე, საბჭოთა კავშირის სპორტის დამსახურებული ოსტატი (1943), საქართველოს სსრ დამსახურებული მასწავლებელი, საქართველოს სსრ ფიზკულტურის და სპორტის დამსახურებული მოღვაწე (1967).

ბიოგრაფია

1921–1925 წლებში იყო ქართული დივიზიის ინსპექტორი სპორტში. 1921–1987 წლებში მუშაობდა განათლების სისტემის ორგანოებში. აქტიურად მონაწილეობდა საქართველოში უმაღლესი სპორტული განათლების, სპორტში სამეცნიერო-კვლევითი მუშაობისა და, განსაკუთრებით, ბავშვთა შორის სპორტული მუშაობის ორგანიზაციისა და ფართოდ გაშლის საქმეში. 1933 წელს მისი უშუალო მონაწილეობით შეიქმნა ფიზკულტურის ფაკულტეტი; მისი თაოსნობით 1934 წელს თბილისში გაიხსნა საბჭოთა კავშირში პირველი სპორტული სკოლა. მისი სახელი ეწოდა მის მიერ დაარსებულ ბავშვთა სკოლა-ინტერნატს.

ავტორია თხზულებებისა „ქართული მოძრავი თამაშობანი“ (1922), „ფიზიკური კულტურის მეთოდიკის საკითხები დაწყებით სკოლაში“ (1949), „ფიზიკური აღზრდა დაწყებით კლასებში“ (1980).

ლიტერატურა

• ენციკლოპედია „თბილისი“, თბ., 2002. — გვ. 661, ISBN 99928-20-32-2.

• ქართული საბჭოთა ენციკლოპედია, ტ. 6, თბ., 1983. — გვ. 589.

პერიოდიკა

• გაჩეჩილაძე, თ. გიორგი მერკვილაძე 80 წლისაა. აზრისა და საქმის კაცი // „ლელო“, 10 დეკემბერი, 1978, № 241 (6296), გვ. 3.
• გოგელია, არჩილ. გიორგი მერკვილაძე // „ლელო“, 24 სექტემბერი, 1983, № 183 (7494), გვ. 2.
• გიორგი მერკვილაძე // „ლელო“, 12 მაისი, 1987, № 92 (9503), გვ. 2.
• გუგუშვილი, ნოდარ. უკანასკნელი მოჰიკანი // „ლელო“, 12 მაისი, 1987, № 92 (9503), გვ. 2.

რესურსები ინტერნეტში

• გიორგი მერკვილაძე — საქართველოს ბიოგრაფიული ლექსიკონი
• გიორგი მერკვილაძე — ბიოგრაფიული ლექსიკონი