გველის ალფა

მასალა ვიკიპედიიდან — თავისუფალი ენციკლოპედია
Jump to navigation Jump to search

გველის ალფა (Alpha Serpentis) — ორმაგი ვარსკვლავი ეკვატორული გველის თანავარსკვლავედის თავში. მისი ტრადიციული სახელი უნუკალჰაია. მისი ხილული ვარსკვლავიერი სიდიდე 2,6-ია, რის გამოც ის ყველაზე კაშკაშაა თანავარსკვლავედში და მისი დანახვა შეუიარაღებელი თვალითაც შეიძლება დედამიწის უმეტესი ადგილიდან. პარალაქსური გაზომვების მიხედვით, ამ ვარსკვლავამდე მანძილი დაახლოებით 74 სინათლის წელიწადია (23 პარსეკი).

მახასიათებლები[რედაქტირება | წყაროს რედაქტირება]

გველის ალფა გიგანტური ვარსკვლავია ვარსკვლავური კლასიფიკაციით K2 III, რომელმაც ამოწურა ბირთვში არსებული წყალბადის საწვავი და მთავარი მიმდევრობიდან გადავიდა. ინტერფერომეტრული გაზომვებით ამ ვარსკვლავის კუთხური დიამეტრი 4,85 ± 0,05 მილიარკწამია, რომელიც, მის მიახლოებითი დაშორების მიხედვით, მზის ფიზიკურ რადიუსს 12-ჯერ აღემატება. გარე გარსის ეფექტური ტემპერატურა 4498 კელვინია, რომელიც მას ნარინჯისფერ იერს აძლევს, ეს კი K ტიპის ვარსკვლავის მახასიათებელია.

ეს ვარსკვლავი 38 მზის სიკაშკაშეს ასხივებს, ხოლო სხვა 32 მზის სიკაშკაშე ინფრაწითელ დიაპაზონში გამოსხივდება. +11,8 მაგნიტუდიანი კომპანიონის კუთხური დაშორება 58 არკწამია გველის ალფადან, ხოლო 13 მაგნიტუდიანი ვარსკვლავი მდებარეობს 2,3 არწუთის მოშორებით.