პარსეკი

სათაურით „პს“ ეს სტატია იძებნება. სხვა მნიშვნელობებისთვის იხ. პს (მრავალმნიშვნელოვანი).

პარსეკი (parallax და second; აღნიშნვნა: პს) — მანძილის საზომი ერთეული ასტრონომიაში, უდრის მანძილს მზიდან იმ სხეულამდე, რომლის წლიური პარალაქსი 1″-ია (აქედანაა სახელწოდებაც). ამგვარად, პარსეკი არის მანძილი რომლიდანაც დედამიწის ორბიტის საშუალო რადიუსი (1 ა.ე. ) ჩანს ერთი სეკუნდის კუთხით.

1 პს =

{\frac {1{\rm {AU}}}{\tan(1^{\prime \prime })}}\approx {\frac {1{\rm {AU}}}{1^{\prime \prime }}}={\frac {360\cdot 60\cdot 60}{2\pi }}

ა.ე. ≈ 206 265 ა.ე. = 3,08568×10¹⁶ მ = 3,2616 სინათლის წელი.

აგრეთვე გამოიყენება ერთეულები: კილოპარსეკი (კპს, ათასი), მეგაპარსეკი (მგპს, მილიონი), გიგაპარსეკი (გპს, მილიარდი).

ზოგიერთი მანძილი პარსეკებში

1 ასტრონომიული ერთეული უდრის 4,85×10⁻⁶ პარსეკს;
2008 წლის 26 სექტემბრის მდგომარეობით, კოსმოსური აპარატი „ვოიაჯერი-1“ მზეს 0,000521763 პს-ით (107.58 ა.ე.) დაშორდა
ოორტის ღრუბლის დიამეტრი დაახლოებით 0,61 პს-ია;
მანძილი მზიდან უახლოეს ვარსკლავამდე (ცენტავრის პროქსიმა) უდრის დაახლოებით 1,3 პარსეკს;
ჩვენი გალაქტიკის ცენტრამდე მანძილი დაახლოებით 8 კილოპარსეკია;
ჩვენი გალაქტიკის დიამეტრია 30 კილოპარსეკი;
მანძილი ანდრომედას გალაქტიკამდე 0,77 მეგაპარსეკია;
უახლოესი გალაქტიკების ნაკრები, ქალწულის ნაკრები, მდებარეობს 18 მგპკ მანძილზე;
მანძილი ხილვადი სამყაროს საზღვრამდე — დაახლოებით 4 გპს-ია (თუ გავზომავთ მანძილს დედამიწაზე დარეგისტრირებული სინათლით) ან 24 გპს (თუ შევაფასებთ თანამედროვე — სამყაროს გაფართოების ჩათვლით - მანძილი იმ ობიექტებამდე, რომლებმაც ეს სინათლე წარმოშვეს);
10 პარსეკი არის მანძილი, რომლის დასაფარად სინათლეს სჭირდება 32 წელი 7 თვე და 6 დღე.

იხილეთ აგრეთვე

ლიტერატურა

ქართული საბჭოთა ენციკლოპედია, ტ. 7, თბ., 1984. — გვ. 694.

სქოლიო