ბორის გრიგოლაშვილი

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
ბორის არკადის ძე გრიგოლაშვილი
B. Grigolashvili 1992..jpg
საქართველოს შეიარაღებულ ძალებში სამსახურის დროს (1992)
დაბადების თარიღი 26 ოქტომბერი, 1933
დაბადების ადგილი თბილისი, საქართველოს სსრ, სსრკ
გარდაცვალების თარიღი 29 ოქტომბერი, 1993 (60 წლის)
გარდაცვალების ადგილი ქუთაისი, საქართველო
კუთვნილება საბჭოთა კავშირის დროშა სსრკ
საქართველოს დროშა საქართველო
ჯარის სახეობა სახმელეთო ჯარები
სამხედრო სამსახურის წლები საბჭოთა კავშირის დროშა სსრკ-ის შეიარაღებული ძალები (1953-1989)
საქართველოს დროშა საქართველოს შეიარაღებული ძალები (1992-1993)
წოდება Soviet Army Rank Polkovnik 1955-1991 infobox.png პოლკოვნიკი (სსრკ) (1980)
Georgian Army Rank General-maiori 1991-2004 infobox.png გენერალ-მაიორი (საქართველო) (1993)
მეთაურობდა საქართველოს ეროვნული გვარდიის მთავარი სამმართველოს შტაბის უფროსის პირველი მოადგილე, ოპერატიული სამმართველოს უფროსი (1992 თებერვალი - 1993 ივნისი)
საქართველოს თავდაცვის სამინისტროს I საარმიო კორპუსის შტაბის უფროსი, კორპუსის სარდლის პირველი მოადგილე (1993 ივლისი — 1993 ოქტომბერი)
ბრძოლები/ომები ქართულ-ოსური კონფლიქტი (1992)
აფხაზეთის ომი (1992-1993)
ჯილდოები სსრკ-ის 3 ორდენი და 14 მედალი
ვახტანგ გორგასლის I ხარისხის ორდენი ვახტანგ გორგასლის I ხარისხის ორდენი (1993)

ბორის არკადის ძე გრიგოლაშვილი (დ. 26 ოქტომბერი, 1933, თბილისი — გ. 29 ოქტომბერი, 1993, ქუთაისი, დაკრძალულია თბილისში) — ქართველი სამხედრო მეთაური, გენერალ-მაიორი (1993).

დაამთავრა თბილისის სამხედრო სასწავლებელი (1956). მსახურობდა საბჭოთა კავშირის შეიარაღებულ ძალებში (1953-1989), ჰქონდა პოლკოვნიკის წოდება (1980), დაჯილდოებულია სსრკ-ის 3 ორდენით და 14 მედლით.

1992 წლიდან იყო ქართულ არმიაში: საქართველოს ეროვნული გვარდიის მთავარი სამმართველოს შტაბის უფროსის პირველი მოადგილე, ოპერატიული სამმართველოს უფროსი, 1993 ივლისიდან — საქართველოს თავდაცვის სამინისტროს I საარმიო კორპუსის შტაბის უფროსი, კორპუსის სარდლის პირველი მოადგილე.

სსრკ-ის შეიარაღებულ ძალებში სამსახურის დროს (1983)

იგი მონაწილეობდა საომარ მოქმედებებში აფხაზეთსა და სამაჩაბლოში (ცხინვალის რეგიონი). ბ. გრიგოლაშვილის ხელმძღვანელობით დაიგეგმა და წარმატებით განხორციელდა მრავალი სამხედრო ოპერაცია. იგი სასიკვდილოდ დაიჭრა და გმირულად დაიღუპა ბრძოლაში აფხაზეთის ომში. „ერისა და სამშობლოს წინაშე განსაკუთრებული დამსახურებისათვის, თავდადებისა და თავგანწირვისათვის, სამშობლოს დაცვისა და ერთიანობისათვის ბრძოლებში გამოჩენილი გმირული თავდადებისა და მამაცობისათვის, უნარიანი ხელმძღვანელობით უზრუნველყოფილი სამხედრო ნაწილებისა და ქვეგანაყოფების წარმატებისათვის, შემუშავებული და განხორციელებული საბრძოლო ოპერაციებისათვის“ გენერალ-მაიორი ბორის გრიგოლაშვილი სიკვდილის შემდეგ დააჯილდოვეს ვახტანგ გორგასლის I ხარისხის ორდენით (1993).

ლიტერატურა[რედაქტირება | წყაროს რედაქტირება]

  • ენციკლოპედია „საქართველო“, ტ. 2, თბ., 2012. — გვ. 150.
  • დოლიძე ლ., გენერალისიმუსი, მარშლები, გენერლები, ადმირალები — ჩვენი თანამემამულენი 1700-2000, თბ., 2000. — გვ. 111, 176.
  • დოლიძე ლ., გენერლები საქართველოდან: საქართველოს გენერალიტეტის სამსაუკუნოვანი მატიანე, თბ., 2003. — გვ. 441, 659.

რესურსები ინტერნეტში[რედაქტირება | წყაროს რედაქტირება]