ბესო ხვედელიძე

ბესო ხვედელიძე
დაბადების თარიღი	18 დეკემბერი, 1972 (1972-12-18)
დაბადების ადგილი	თბილისი
საქმიანობა	მწერალი, ჟურნალისტი
ენა	ქართული
ეროვნება	ქართველი
ალმა-მატერი	თსუ

ბესო ხვედელიძე (დ. 18 დეკემბერი, 1972) — ქართველი მწერალი. არის 20-მდე წიგნის ავტორი და არაერთი ქართული თუ უცხოული ლიტერატურული პრემიის ლაურეატი. მისი ნაწარმოებები 10-ზე მეტ ენაზეა თარგმნილი.

ბიოგრაფია

დაიბადა თბილისში. 1996 წელს დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი. მუშაობდა თავდაცვის სამინისტროს პრესცენტრის სამსახურში და 1992-13 წლებში აფხაზეთის ომში სამხედრო კორესპონდენტი იყო. შემდეგ თბილისში დაბრუნდა და რედაქტორად დაიწყო მუშაობა ჟურნალებში სუფთა წერა და პარნასი, აგრეთვე იყო რადიოს მუსიკალური გადაცემის წამყვანი. 2013 წელს ნეპალში გადასახლდა და ცხოვრების უმეტეს ნაწილს დღემდე იქ ატარებს.

სამწერლო კარიერა

2003 წელს მოთხრობათა კრებულისთვის „ჯადო“ მწერალს პრემია საბა მიენიჭა. 2005 წელს გამოქვეყნდა მისი რომანი „გაფრინდინელა“, რომლისთვისაც მიიღო საბა საუკეთესო რომანისთვის.

ხვედელიძე ყველაზე ხშირად შეყვანილი მწერალია ანთოლოგიაში „15 საუკეთესო“, რომელიც თანამედროვე ქართველი ავტორების წლის საუკეთესო მოთხრობებს აერთიანებს და ბაკურ სულაკაურის გამომცემლობის მიერ 2001 წლიდან ყოველწიურად ქვეყნდება. 2021 გამომცემლობამ სერიის დასკვნითი წიგნის სახით გამოაქვეყნა ხვედელიძის 15 გამორჩეული მოთხრობის კრებული სათაურით „15 საუკეთესო“.

ბიბლიოგრაფია

მოთხრობათა კრებულები

• ჯადო (2003) — პრემია „საბა“ საუკეთესო მოთხრობათა კრებულისთვის
• თაგვის გემო (2009)
• წითელი (2012)
• მამაო (2015)
• აბრეშუმის გზა (2020)
• 15 საუკეთესო (2021)

რომანები

• გაფრინდინელა (2005) — პრემია საბა საუკეთესო რომანისთვის
• თამრო (2011)
• უზარმაზარი ბაზარი (2011)
• კლარა (2015)
• ნამასტე (2015)
• მკვდრების ქალაქი (2018)
• განჯადოება (2019)

პოეტური კრებულები

• 12 თანამედროვე ქართული ლექსი

არამხატვრული

• მეშვიდე გრძნობა (2015)
• ნამასტე - მე შენში ვხედავ ღმერთს (2015)

რესურსები ინტერნეტში

• ბესო ხვედელიძე — საქართველოს ბიოგრაფიული ლექსიკონი
• ბესო ხვედელიძე — ბაკურ სულაკაურის გამომცემლობა