ბადავი გუსეინოვი
 | |||
| პირადი მონაცემები | |||
|---|---|---|---|
| დაბადების თარიღი | 11 ივლისი, 1991 | ||
| დაბადების ადგილი | კასპიისკი | ||
| სიმაღლე | 188 სმ | ||
| სათამაშო პოზიცია | ცენტრალური მცველი | ||
| საკლუბო ინფორმაცია | |||
| მიმდინარე კლუბი | ყარაბაღი | ||
| ნომერი | 55 | ||
| პროფესიონალური კარიერა* | |||
| წლები | გუნდი | მატჩი | (გოლი) |
| 2008–2010 | დაგდიზელ კასპიისკი | 49 | (0) |
| 2010–2012 | ანჟი მაჰაჩყალა | 0 | (0) |
| → 2011–2012 (იჯარით) | სუმგაითი | 26 | (0) |
| 2012– | ყარაბაღი | 188 | (5) |
| ეროვნული ნაკრები | |||
| 2011–2012 | აზერბაიჯანის 21 წლ. | 8 | (0) |
| 2012– | აზერბაიჯანი. | 58 | (1) |
|
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება | |||
ბადავი გუსეინოვი (აზერ. Bədavi Ruslan oğlu Hüseynov; დ. 11 ივლისი, 1991) — აზერბაიჯანელი ფეხბურთელი. თამაშობს ცენტრალური მცველის პოზიციაზე. აზერბაიჯანის პრემიერ ლიგის კლუბ „ყარაბაღისა“ და აზერბაიჯანის ეროვნული საფეხბურთო ნაკრების წევრი.
საკლუბო კარიერა[რედაქტირება | წყაროს რედაქტირება]
ბადავი გუსეინოვი დაღესტნური საფეხბურთო სკლის პროდუქტად ითვლება. 2007 წელს გუსეინოვი შეუერთდა კასპიისკის „დაგდიზელს“. 2010 წელს გადავიდა მაჰაჩყალის „ანჟის“ ახალგაზრდულ გუნდში.[1] მიუხედავად იმისა რომ იყო სარეზერვო გუნდის კაპიტანი, ვერ მოახერხო დაწინაურებულიყო მაჰაჩყალის „ანჟის“ ძირითად გუნდში. 2011-12 წლების სეზონში იჯარით თამაშობდა აზერბაიჯანულ „სუმგაითში“. 2012 წლის ზაფხულში იჯარით შეუერთდა აღდამის „ყარაბაღს“. 2015 წელს ბადავიმ უარი თქვა მაჰაჩყალის „ანჟიში“ დაბრუნებაზე, რათა გაეფორმებინა ახალი კონტრაქტი „ყარაბაღთან“ 2018 წლის ზაფხულამდე.[2] გუსეინოვს ეკუთვნის ერთი ანტირეკორდი. ის არის ერთ-ერთ იმ შვიდი ფეხბურთელიდან რომელსაც აზერბაიჯანის პრემიერ ლიგის ისტორიაში 3 გოლი აქვს საკუთარ კარში გატანილი. პირველი ავტოგოლი მან 2012/13 წლების სეზონში გაიტანა. ამას მოჰყვა „ყარაბაღის“ რიგებში 2013/14 წლების სეზონში გატანილი ავტოგოლი. 2018/19 წლების სეზონში „საბაჰისა“ და „ყარაბაღის“ შეხვედრაში გაიტანა რიგით მესამე ავტოგოლი.[3]
გუსეინოვი არის აზერბაიჯანის ჩემპიონატის 7-გზის გამარჯვებული და აზერბაიჯანის თასის 3-გზის გამარჯვებული. არის აზერბაიჯანის პრემიერ ლიგის ორგზის ვერცხლის მედალოსანი 2012/13 წლების სეზონსა და 2020/2021 წლების სეზონში.
საერთაშორისო კარიერა[რედაქტირება | წყაროს რედაქტირება]
21 წლამდე ფეხბურთელთა ახალგაზრდული ნაკრებები[რედაქტირება | წყაროს რედაქტირება]
2011 წლის 18 აგვისტოს თანაგუნდელ მიხაელ ზაიცევთან ერთად იქნა მიწვეული ფრანკფურტში გამართულ აზერბაიჯანის 21 წლამდე ფეხბურთელთა ნაკრების კემპზე, რომელიც გაიმართა 22-29 აგვისტოს. 2011-2012 წლებში გუსეინოვმა ახალგაზრდულ ნაკრებში 8 შეხვედრა ჩაატარა. მისი დებიუტი შედგა 2013 წლის ევროპის 21 წლამდელთა საფეხბურთო ჩემპიონატის შესარჩევი ეტაპის შეხვედრაში, ინგლისის წინააღმდეგ.
სანაკრებო კარიერა[რედაქტირება | წყაროს რედაქტირება]
2012 წლის თებერვალიში ბადავი გუსეინოვი ძირითად ნაკრებში გამოიძახეს. მისი დებიუტი ნაკრებში ამავე წლის 27 თებერვალს ინდოეთის ნაკრების წინააღმდეგ შედგა. 2021 წლის 2 ივნისს გუსეინოვმა თავის რიგით 57-ე სანაკრებო შეხვედრაში გაიტანა სანაკრებო გოლი. მან ამხანაგურ შეხვედრაში ბელარუსის ეროვნულ საფეხბურთო ნაკრებს გაუტანა. მატჩი აზერბაიჯანის ეროვნული საფეხბურთო ნაკრების გამარჯვებით, ანგარიშით 2–1 დასრულდა.
რესურსები ინტერნეტში[რედაქტირება | წყაროს რედაქტირება]
- ბადავი გუსეინოვი — Soccerway
სქოლიო[რედაქტირება | წყაროს რედაქტირება]
- ↑ „Anzhi added Huseynov“ (Russian). 27 August 2010. დაარქივებულია ორიგინალიდან — 21 სექტემბერი 2020. ციტირების თარიღი: 2 ოქტომბერი 2021.
- ↑ შეცდომა თარგის გამოძახებისას: cite web: პარამეტრები url და title აუცილებელად უნდა მიეთითოს. Russian. azerifootball (19 March 2015). ციტირების თარიღი: 20 March 2015.
- ↑ Futbol üzrə Azərbaycan çempionatları tarixinin antirekordu təkrarlanıb