არტემ ლუსინიანი

მასალა ვიკიპედიიდან — თავისუფალი ენციკლოპედია
Jump to navigation Jump to search
არტემ ლუსინიანი
Лусинян Артем Гайкович.jpeg
არტემ ლუსინიანი
დაბ. თარიღი 5 ივლისი 1910
თბილისი, საქართველოს სსრ
გარდ. თარიღი 26 ივლისი 1963
თბილისი, საქართველოს სსრ
საქმიანობა მსახიობი
მეუღლე(ები) სერიკ შეკოიანი

არტემ ჰაიკის ძე ლუსინიანი (სომხ. Արտեմ Լուսինյան; დ. 18 ივლისი [ძვ. სტ. 5 ივლისი], 1910, თბილისი, საქართველოს სსრ — გ. 26 ივლისი, 1963, თბილისი, საქართველოს სსრ) — სომეხი მსახიობი. საქართველოს სსრ დამსახურებული არტისტი (1950). სკკპ წევრი 1954 წლიდან. დაამთავრა თბილისის სომხური ხელოვნების სახლთან არსებული დრამატული სტუდია (1928). იმავე წელს ჩაირიცხა თბილისის სომხური თეატრის დასში.[1] ასრულებდა დრამატულ, კომედიურ და სახასიათო როლებს. ჰქონდა კარგი სცენური გარეგნობა, დიქცია. როლები: პეპო, ოსეპი (სუნდუკიანის „პეპო“, „დანგრეული კერა“), სუმბატი, სეირანი (შირვანზადეს „ქაოსი“, „ნამუსი“), ალექსანდრე (ფაფაზიანის „ციცაბო კლდე“), არსენა (სანდრო შანშიაშვილის „არსენა“), ხევისბერი გოჩა (ალექსანდრე ყაზბეგის „ხევისბერი გოჩა“), ოტელო (უილიამ შექსპირის „ოტელო“), ურიელ აკოსტა (გუცკოვის „ურიელ აკოსტა“), თედორე (ლეონოვის „შემოსევა“) და სხვა.[1] 1943 წელს ითამაშა მიხეილ ჭიაურელის ფილმში „გიორგი სააკაძე“, სადაც შეასრულა ვერდიბეგი-ყორჩი-ხანის შვილის როლი.[2] არტემ ლუსინიანი გარდაიცვალა 1963 წლის 26 ივლისს ქალაქ თბილისში. დაკრძალულია თბილისის სომხურ პანთეონში.[3]

სქოლიო[რედაქტირება | წყაროს რედაქტირება]

  1. 1.0 1.1 ქართული საბჭოთა ენციკლოპედია, ტ. 6, გვ. 315, თბ., 1983 წელი.
  2. არტემ ლუსინიანი — ეროვნული ფილმოგრაფია
  3. არტემ ლუსინიანის ბიოგრაფია