ანგკორი

ანგკორი
სტატუსი	იუნესკოს მსოფლიო მემკვიდრეობის ობიექტის ნაწილი
ქვეყანა	{{ქვეყნის მონაცემები  კამბოჯა | ქვეყნის დროშა2 | name =  კამბოჯა | variant = | size = }}
ტიპი	კულტურული
კრიტერიუმები	i, ii, iii, iv
რეგიონი	აზია
გაწევრიანების ისტორია
გაწევრიანება	1992  (მე-16 სესია)
ნომერი	668
საფრთხის ქვეშ	1992-2004
https://www.angkorenterprise.gov.kh/

მსოფლიო მემკვიდრეობა UNESCO, ობიექტი № 668 ინგლ. • რუს. • ფრ.

ანგკორი – IX-XIII საუკუნეების ხუროთმოძღვრული კომპლექსი ქ. სიემ-რეაპის მახლობლად კამბოჯაში. შეიქმნა ქმერების ფეოდალური სახელმწიფოს აყვავების პერიოდში. შემორჩენილია სატახტო ქალაქების იაშოდხარაპური (დაარსდა IX საუკუნის დასასრულს) და ანგკორ-თომის (XII საუკუნის დასასრული და XIII საუკუნე) ნანგრევები, ქვის ტერასები და სატაძრო ანსამბლები. ანგკორის ერთ-ერთი უდიდესი ანსამბლია ანგკორ-ვატი (1300 მ × 1500 მ, სიმაღლე 66 მ; დაახლოებით 113-1150 წლები). მთავარ ტაძარს გარს ერტყმის ტერასებად განლაგებული სვეტებიანი გალერეების 3 მწკრივი. ანგკორის კომპლექსში შედის აგრეთვე გეგმით კვადრატული ქ. ანგკორ-თომი (ფართობი 9 კმ²), რომლის ცენტრში აგებული ბაიონის ტაძრისაკენ ქალაქის კარებიდან ოთხი ქუჩა მიემართება. ბაიონის 54 კოშკი და ჭიშკრის 5 კოშკი შემკულია ადამიანის 2,4 მ-იანი სკულპტურული სახეებით. ანგკორში უხვად არის გამოყენებული ქვაში ნაკვეთი რელიეფი, ქანდაკება; ტაძრების გალერეების კედლები შემკულია ბატალური და საყოფაცხოვრები სცენების ამსახველი მოხატულობით.

იხილეთ აგრეთვე

• მსოფლიო მემკვიდრეობის სია აზიასა და ოკეანეთში

ლიტერატურა

ვიკისაწყობში არის გვერდი თემაზე:

ანგკორი

• ქსე, ტ. 1, გვ. 437, თბ., 1975