ამია

ამია, შლამის თევზი (ლათ. Amia calva) — ძვლიანი განოიდების ზერიგის ამიისებრთა (Amiidae) ოჯახის ერთადერთი სახეობა. აქვს 60, იშვიათად 90 სმ-მდე სიგრძის სხეული, ციკლოიდური ქერცლი. გვხვდება ჩრდილოეთ ამერიკის დაჭაობებულ წყალსატევეებში. საკმაოდ დიდხანს ძლებს უწყლოდ. იკვებება უხერხემლო ცხოველებითა და პატარა თევზებით. ტოფობს გაზაფხულზე. მამალი აკეთებს ბუდეს, იცავს ქვირითსა და ნორჩ ლიფსიტებს. სარეწაო მნიშვნელობა თითქმის არ აქვს.

ლიტერატურა

• ქართული საბჭოთა ენციკლოპედია, ტ. 1, გვ. 381, თბ., 1975 წელი.