ავგიტი

ავგიტი
საერთო
კატეგორია	სილიკატური მინერალები
ქიმიური ფორმულა	(Ca,Mg,Fe)SiO3
იდენტიფიკაცია
ფერი	შავი, მუქი-მწვანე, რუხი, მურა
კრისტალის სინგონია	მონოკლინური
ტკეჩადობა	(110) პრიზმის მიმართ საშუალო
მინერალის მონატეხი	საფეხურისებრ-უსწორმასწორო, ნიჟარისებრი
სიმაგრე მოოსის სკალით	5-6
მინერალის ელვარება	მინისებრი
ხაზის ფერი	რუხი-მწვანე
ხვედრითი წონა	3.2-3.6
სიმკვრივე	3200-3600 კგ/მ³

ავგიტი (ბერძ. auge — ელვარება) — მინერალი. ძეწკვისებრი სტრუქტურის ქანმაშენი სილიკატი პიროქსენების ჯგუფისა. კრისტალდება მონოკლინურ სინგონიაში. უმეტესად შავია, იშვიათად — მუქი მწვანე ფერისა. ელვარება — მინისებრი. სიმაგრე მინერალოგიური სკალით 5-6, სიმკვრივე 3200-3600 კგ/მ³. ტკეჩადობა მესამე გვარის პრიზმის პარალელურად — სრული. კუთხე ტკეჩადობის მიმართულებათა შორის 87-88°. ავგიტი მაგმური ქანების მნიშვნელოვანი ქანმაშენი მინერალია. მისი სახესხვაობებია ბაზალტური ავგიტი, ტიტანავგიტი და დიალაგი. ავგიტი ჰიდროთერმული ხსნარების მოქმედებით გარდაიქმნება ბოჭკოვანი აღნაგობის რქატყუარად — ურალიტად, ზოგჯერ ქლორიტად. საქართველოში კარგად განვითარებული ავგიტის კრისტალები უხვად გვხვდება შუაეოცენური ასაკის ვულკანური წყების ქანებში (ზვარე, ქვიშხეთი, ახალციხე, ციხისძირი და სხვა).

იხილეთ აგრეთვე

• მინერალების სია

ლიტერატურა

• ქართული საბჭოთა ენციკლოპედია, ტ. 1, თბ., 1975. — გვ. 118.