სიმღერის ორიგინალური ვარიანტი ავტორებმა, ჯიმი პეიჯმა და რობერტ პლანტმა დაწერეს უელსში, ბრონ-ერ-აირში, სადაც 1970 წელს, ამერიკული ტურნეების შემდეგ ისვენებდნენ.[2][3] 1971 წელს მათ იგი ელექტრონული არანჟირებით ჩაწერეს და დაგეგმეს ალბომ Led Zeppelin IV-ში შეტანა, თუმცა იგი მხოლოდ Physical Graffiti-ში, ალბომის ორმაგი ფორმატის შესაქმნელად გამოიყენეს.
ვარაუდობენ, რომ სიმღერის სახელწოდება ნილ იანგის „Down by the River“-ისგან არის ნასესხები, ხოლო პლანტის მიერ ნომრის ოდნავ მოგუდული ვოკალით შესრულება იანგის პაროდირებაა.[3] სიმღერაში რბილი და უფრო მძიმე ტაქტების მონაცვლეობაა, ისევე, როგორც ცვალებადი ტემპები, ხოლო მშვიდ ტაქტებში ჟღერს გიტარის ტრემოლო, ან, შესაძლოა, Leslie-ს რეპროდუქტორში გატარებული გიტარა. ჯონ პოლ ჯოუნსი უკრავს Hohner-ის ელექტრონულ პიანინოზე. ჯგუფის კონცერტებზე სიმღერა არასოდეს შესრულებულა, თუმცა პლანტმა იგი იმღერა 1995 წელს, ლედ ზეპელინისადმი მიძღვნილ ალბომზე Encomium, ტორი ეიმოსთან ერთად.
