ჰაბიბულა

ჰაბიბ ხანი

ჰაბიბულა (დ. დაახლ. 1872 - გ. 20 თებერვალი. 1919, ჯალალაბადთან), ავღანეთის ამირა 1901-იდან. გამგებლობის დასაწყისში პატრიოტული წრეების გავლენით ცდილობდა გაეტარებინა რეფორმები, რომლებიც მიზნად ისახავდნენ სახელმწიფოს განმტკიცებას, დიდი ბრიტანეთისაგან მისი დამოკიდებულების შესუსტებას. შემდგომში გამოვიდა ახალგაზრდა ავღანელების წინააღმდეგ, ატარებდა პროინგლისურ პოლიტიკას, ცდილობდა ხელი შეეშალა განმათავისუფლებელი მოძრაობის აღმავლობისათვის. მოკლეს სასახლის შეთქმულების დროს.

ლიტერატურა

• ქსე, ტ. 11, გვ. 583, თბ., 1987