შვაბიის ალბი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
შვაბიის ალბი
Germany Tübingen Schwäbishe-Alb.jpg
შვაბიის ალბი
ადგილმდებარეობა
კონტინენტი ევროპა
ქვეყანა გერმანიის დროშა გერმანია
მდებარეობა ბადენ-ვიურტემბერგი
ბავარია
კოორდინატები 48°24′ ჩ. გ. 9°12′ ა. გ. / 48.400° ჩ. გ. 9.200° ა. გ. / 48.400; 9.200
გეოგრაფია
მთათა სისტემა იურა
სიგრძე 220 კმ
სიგანე 40-70 კმ
უმაღლესი წერტილი ლემბერგი
სიმაღლე 1015 
გეოლოგია
რელიეფის ფორმები კარსტული
ამგებელი ქანები კალციტი
კირქვა

შვაბიის ალბი, შვაბიის იურა (გერმ. Schwäbische Alb; Schwäbischer Jura) — კუესტური სერი სამხრეთ გერმანიაში, შვაბია-ფრანკონიის იურის სამხრეთ-დასავლეთ ნაწილი. გადაჭიმულია სამხრეთ-დასავლეთიდან ჩრდილოეთ-აღმოსავლეთისაკენ დაახლოებით 200 კმ-ზე. სიმაღლე 1015 მ-მდე (მთა ლემბერგი). უმთავრესად აგებულია იურული კირქვებით. თხემი დაკარსტული პლატოა. სამხრეთ-აღმოსავლეთი კალთა დამრეცია, ჩრდილოეთ-დასავლეთი — ციცაბო.

დანაწევრებულია დუნაისა და ნეკარის შენაკადებით. კალთები შემოსილია წიწვნარითა და მუხის ტყით, მდელოთი და ბუჩქნარით. შვაბიის ალბი ქმნის ჩრდილო-დასავლეთისაკენ მიმართულ კირქვიანი ფლატეების ღილკილოსებურ კლაკნილ უწყვეტ ხაზს, რომლის შეფარდებითი სიმაღლე 200 მ-იდან 300 მ-მდეა. აღმოსავლეთისაკენ შედარებით დადაბლებულია.

ზემოთ ქედზე მდებარეობს საკმაოდ ფართო კარსტულ ფორმებიანი პლატო ძაბრებითა და ჩაქცევებით. მასზე ბევრი ატმოსფერული ნალექი მოდის, ზამთრობით გარკვეული დროის განმავლობაში თოვლი არ დნება. იცის ძლიერი ქარი და ნისლი. კუესტის ციცაბო კალთები და ხევები, რომლებითაც დასერილია ის, დაფარულია ხშირი წიფლის ტყით, დანაწევრებულია და განშტოებებს და ბორცვ-შთენილებს ქმნის. შემდეგ, უფრო ძირს, მეტად დამრეცი, მერგელებისაგან აგებული კალთებია, რომლებიც ლიასური მერგელების ბორცვებიან, ზედა ტრიასული ქვიშაქვების სტრუქტურულ ბაქანს ებჯინება.

ქვიშაქვების ბაქანი შეადგენს ძლიერ დანაწევრებულ, მიხვეულ-მოხვეულ შიდა კუესტურ 200 მ-მდე სიმაღლის ფლატეების მქონე ქედს. კიდევ უფრო ძირს, საშუალოდ 300 მ-იდან 400 მ-ის სიმაღლემდე განლაგებულია აუზის ნიჟარებიანი კირქვებისაგან აგებული ბაქანი. ჩრდილო-დასავლეთით ის, თავის მხრითაც, წარმოშობს ეროზიულ საფეხურს ქვედა ტრიასული ქვიშაქვების პლატოებისაკენ. არის პალეონტოლოგიური რეზერვატი ჰოლცმადენი.

რესურსები ინტერნეტში[რედაქტირება]

ლიტერატურა[რედაქტირება]