შარლოტ ბრონტე

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
შარლოტ ბრონტე

შარლოტ ბრონტე, დახატული ჯორჯ რიჩმონდის მიერ, 1850 წელს.
დაბ. თარიღი 21 აპრილი, 1816
დაბ. ადგილი ინგლისი
გარდ. თარიღი 31 მარტი, 1855
საქმიანობა მწერალი
Magnum opus ჯეინ ეარი

შარლოტ ბრონტე (დ. 21 აპრილი, 1816 — გ. 31 მარტი, 1855) — ინგლისელი მწერალი. იგი დაიბადა 1816 წელს თორნტონში (იორკშირი), მღდვლის სახლში.

აღზრდა და განათლება[რედაქტირება]

შარლოტას მამამ, პატრიკ ბრონტემ, რომელსაც ცოლი ადრე გარდაეცვალა, რვა შვილიდან ოთხი, პასტორ უილსონის ქალთა სკოლაში მიაბარა, სადაც მდიდართა ოჯახებისთვის აღმზრდელებს ამზადებდნენ. ამ სასწავლებელში ყოფნისას შარლოტას უფროსი დები ჭლექით დაავადდნენ და გარდაიცვალნენ. პასტორ უილსონის სასწავლებლიდან გამოყვანილი შარლოტა კერძო პანსიონს მიაბარეს. კერძო პანსიონის დამთავრების შემდეგ შარლოტამ იქვე დაიწყო აღმზრდელად მუშაობა, შემდეგ იგი მოეწყობ იორკში, ერთ-ერთი ფაბრიკანტის ოჯახში, სადაც მრავალი დამცირება გადაიტანა. მისმა ამაყმა ხასიათმა ვერ გაუძლო დამცირებას და იორკიდან ბრიუსელში გადავიდა, სადაც მუშაობა ერთ-ერთ პანსიონში ინგლისური ენის მასწავლებლად დაიწყო.

მოღვაწეობა[რედაქტირება]

შარლოტამ და თავისმა ორმა დამ — ემილიმ და ანამ ადრეულ ასაკში დაიწყეს ლექსებისა და რომანების წერა. შარლოტას სამწერლო სარბიელი წარუმატებლობით აღსავსე გამოდგა, მაგრამ მწერალი ამ დაბრკოლებებმა სულიერად ვერ გასტეხა. მისი პირველი რომანი იყო „მასწავლებელი“ რომელიც მწერალს ყველა გამომცემლობამ უკანვე დაუბრუნა. რობერტ საუთიმაც შარლოტას ლექსები უკან დააბრუნა და თან წერილში დიდაქტიკური დარიგებებიც დაურთო: მწერლობა ქალის საქმე არ არისო.

მაგრამ ამ დარიგებამაც თავისი რომანების წერაში მწერალს ხელი ვერ შეუშალა. 1847 წელს მან გამოქავეყნა ახალი რომანი „ჯეინ ეარი“, რომელმაც მწერალს დიდი წარმატება მოუტანა. 1850 წელს წიგნი დაიბეჭდა რუსულ ჟურნალ-გაზეთებში, რამაც რუსი მკითხველი საზოგადოება აღაფრთოვანა, მაგრამ მათაც არ გამორჩენიათ წიგნის ნაკლოვანებები.

სიცოცხლის ბოლო წლები[რედაქტირება]

ისედაც ჯანგატეხილ შარლოტას 1848-1849 წლებში სამი უბედურება დაატყდა თავს. ჭლექმა მისი დები, ემილი და ანა მიწაში ერთმანეთის მიყოლებით ჩააწვინა, ხოლო ცოტა ხანში მისი ძმაც ჭლექმა იმსხვერპლა. ამ უბედურებისაგან დაჩაჩანაკებულმა შარლოტამ დაასრულა რომანები „შერლი“ და „ვილეტი“. 1854 წელს იგი ცოლად გაჰყვა მღვდელ არტურ ბელა ნიკოლს. 1855 წლის მარტში მწერალი ფეხმძიმობამ შეიწირა.

რესურსები ინტერნეტში[რედაქტირება]