ღვედკეცი (ლათ.Periploca graeca) — მცენარექენდირისებრთაოჯახისა. ხვიარა ბუჩქია, სიმაღლეში 30 მეტრამდეა. აქვს მოკლეყუნწიანი, შიშველი, კიდემთლიანი, კვერცხისებურ-ლანცეტა ან ელიფსურ-ლანცეტა ფოთლები. ყვავილედი ნახევრად ქოლგაა, კენწრული. გვირგვინი შიგნიდან მოწითალო-ყავისფერია, გარედან — მომწვანო. ყვავის მაის-ივნისში, ნაყოფმსხმოიარობს სექტემბერში. გავრცელებულია კავკასიაში, სამხრეთ-აღმოსავლეთ ევროპაში, ახლო აღმოსავლეთში. გვხვდება თითქმის მთელ საქართველოში. იზრდება დაბლობსა და მთის ქვედა სარტყელში – ბუჩქნარებში, ტყისპირებსა და მდინარეთა ნაპირებზე.[1]
