ფრანჩესკო ბართოლომეო რასტრელი

პირადი ინფორმაცია
ფრანჩესკო ბართოლომეო რასტრელი

მშობ. სახელი	Francesco Bartolomeo Rastrelli
ეროვნება	იტალიელი
დაიბადა	1700 პარიზი, საფრანგეთი
გარდაიცვალა	1771 სანქტ-პეტერბურგი, რუსეთი
ნაშრომები
პრაქტიკა	არქიტექტურა
მნიშვნელოვანი შენობები	სმოლნის მონასტერი ზამთრის სასახლე
მნიშვნელოვანი პროექტები	წმ. ანდრიას ტაძარი
ჯილდოები და პრემიები	წმ. ანას ორდენის კავალერი

ფრანჩესკო ბართოლომეო რასტრელი (იტალ. Francesco Bartolomeo Rastrelli; დ. 1700, პარიზი, საფრანგეთი – გ. 1771, სანქტ-პეტერბურგი, რუსეთი) — არქიტექტორი, XVIII საუკუნის შუა წლების რუსული ბაროკოს მეთავე. წარმოშობით იტალიელი, ასევე რუსეთში მოღვაწე, მოქანდაკე და არქიტექტორის – კარლო ბართოლომეო რასტრელის (1675-1744) შვილი.

ბიოგრაფია [რედაქტირება]

ბართოლომეო რასტრელი 1716 წელს მამასთნ ერთად გადადის სანქტ–პეტერბურგში, სადაც მამამისი პეტრე I–მა მიიწვია საიმპერატორო სასახლის ასაშენებლად. 1721 წელს სრულიად ახალგაზრდა არქიტექტორს დაუკვეთეს მოლდავეთის ყოფილი მართველის, პრინც დემეტრე კანტემირის სასახლე. 1725-1730 წწ სწავლობდა იტალიაში. 1730 წელს ის დაინიშნა საიმპერატორო კარის ხუროთმოძღვრად, სადაც 1763 წლამდე იმოღვაწა. მისი ნამუშევრები დიდი მოწონებით სარგებლობდა იმპერატორების ანასა (1730-1740) და ელისაბედის (1741-1762) კარზე.

ეკატერინე II–ის ტახტზე ასვლის შემდეგ, რასტრელი იძულებული იყო თანამდებობა დაეტოვებინა, რადგან ეკატერინემ უარყო ბაროკო, როგორც ძველმოდური და კლასიციზმს ანიჭებდა უპირატესობას.