ფრადიკე დე მენეზეში
| ფრადიკე დე მენეზეში | |
 | |
| სან-ტომე და პრინსიპის პრეზიდენტი | |
|---|---|
| თანამდებობაზე ყოფნის დრო | |
| 23 ივლისი, 2003 – 3 სექტემბერი, 2011 | |
| წინამორბედი | მიგელ ტროვოადა |
| მემკვიდრე | მანუელ პინტუ და კოშტა |
| თანამდებობაზე ყოფნის დრო | |
| 3 სექტემბერი, 2001 – 16 ივლისი, 2003 | |
| წინამორბედი | მიგელ ტროვოადა |
| მემკვიდრე | ფერნანდო პერეირა (მოვალეობის შემსრულებელი) |
| დაბადებული | 21 მარტი, 1942 სან-ტომე, პორტუგალია |
| პოლიტიკური პარტია | ლიბერალური პარტია |
| განათლება | ბრიუსელის თავისუფალი უნივერსიტეტი |
| პროფესია | ბიზნესმენი |
ფრადიკე დე მენეზეში (პორტ. Fradique Bandeira Melo de Menezes; დ. 21 მარტი, 1942)[1] — სან-ტომე და პრინსიპის პრეზიდენტი 2001-2011 წლებში.
ბიოგრაფია[რედაქტირება | წყაროს რედაქტირება]
ფრადიკე მენეზეში დაიბადა 1942 წლის 21 მარტს, სან-ტომეში, პორტუგალია. დაამთავრა პორტუგალიის ერთ-ერთი უმაღლესი სკოლა, ხოლო შემდეგ, ლისაბონში, Instituto Superior de Psicologia Aplicada-ში და ბრიუსელის თავისუფალ უნივერსიტეტში სწავლობდა.[1]
მენეზეში წარმატებული ბიზნესმენია. 1986-1987 წლებში, იგი სან-ტომე და პრინსიპის საგარეო საქმეთა მინისტრის თანამდებობაზე იმყოფებოდა. 2001 წლის ივლისში გამართულ საპრეზიდენტო არჩევნებში, მან ხმათა 55.2%-ის მოპოვებით, მანუელ პინტუ და კოშტა დაამარცხა (მოიპოვა ხმათა 40%) და ქვეყნის პრეზიდენტი გახდა.[2] თანამდებობა დაიკავა 2001 წლის 3 სექტემბერს.[3] მისი არჩევნებში მონაწილეობის უფლებამოსილება დავის საგანი გახდა, რადგან მენეზეში პორტუგალიის მოქალაქეც იყო, მაგრამ მან უარი თქვა ორმაგ მოქალაქეობაზე, რის შემდეგაც, მისი კანდიდატურა ოფიციალურად დამტკიცდა.[4] 2003 წლის 16 ივლისს, როცა იგი ნიგერიაში იმყოფებოდა, ფერნანდო პერეირამ, სამხედრო პუტჩი მოაწყო, თუმცა, შეთანხმების მიხედვით, 2003 წლის 23 ივლისს, მენეზეშმა კვლავ დაიკავა პრეზიდენტის თანამდებობა.[5]
2006 წლის 30 ივლისს გამართულ საპრეზიდენტო არჩევნებში, ფრადიკე მენეზეშმა, ხმათა 60.58 პროცენტი მოიპოვა, დაამარცხა მიგელ ტროვოადას შვილი — პატრის ტროვოადა და მეორედ გახდა სან-ტომე და პრინსიპის პრეზიდენტი.[2][6]
რესურსები ინტერნეტში[რედაქტირება | წყაროს რედაქტირება]
- President Menezes' address to the 63rd session of the United Nations General Assembly, September 26, 2008
სქოლიო[რედაქტირება | წყაროს რედაქტირება]
- ↑ 1.0 1.1 დაარქივებული ასლი. დაარქივებულია ორიგინალიდან — 2011-07-06. ციტირების თარიღი: 2016-09-18.
- ↑ 2.0 2.1 Elections in São Tomé and Príncipe, African Elections Database.
- ↑ "New president sworn-in", IRIN, September 4, 2001.
- ↑ "Fradique de Menezes new president on Sao Tomé", afrol News, August 6, 2001.
- ↑ "Coup leaders hand power back to civilian president", IRIN, July 23, 2003.
- ↑ "Incumbent wins vote", IRIN, August 2, 2006.
| პოლიტიკური თანამდებობები | ||
|---|---|---|
| წინამორბედი: მარია დო ნასიმენტო და გრასა ამორიმი |
სან-ტომე და პრინსიპის საგარეო საქმეთა მინისტრი 1986–1987 |
შემდეგი: გილიერმო პოსერ და კოშტა |
| წინამორბედი: მიგელ ტროვოადა |
სან-ტომე და პრინსიპის პრეზიდენტი 2001–2003 |
შემდეგი: ფერნანდო პერეირა მოვალეობის შემსრულებელი |
| წინამორბედი: ფერნანდო პერეირა მოვალეობის შემსრულებელი |
სან-ტომე და პრინსიპის პრეზიდენტი 2003–2011 |
შემდეგი: მანუელ პინტუ და კოშტა |