სიმპსონები

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
სიმპსონები

The Simpsons Logo.svg

Simpsons FamilyPicture.png
სიმპსონები
ჟანრი ანიმაციური სიტკომი, სიტკომი
ფორმატი სატირა
ავტორი მეტ გრენინგი
გახმოვანება დენ კასტელანეტა
ჯული კევნერი
ნენსი კარტრაიტი
იერდლი სმიტი
ჰენკ აზარია
ჰარი შირერი
(სრული სია)
თემის კომპოზიტორი დენი ელფმანი
ქვეყანა აშშ
ენა ინგლისური
სეზონი 26
ეპიზოდი 560 (ეპიზოდების სია)
კომპანია
აღმასრულებელი პროდიუსერ(ებ)ი ელ ჯინი
ჯეიმზ ლ. ბრუკსი
მეტ გრენინგი
სემ საიმონი
ხანგრძლივობა 21–24 წთ.
კომპანია Gracie Films
20th Century Fox Television
Klasky Csupo (1989–1992)
Film Roman (1992–დღემდე)
ეთერი
ორიგინალური არხი Fox
ჩვენების ფორმატი 480i/576i (4:3]] [SDTV) (1989–2009)
720p (16:9 HDTV) (2009–დღემდე)
აუდიო ფორმატი სტერეო (1989–1991)
Dolby Surround 2.0 (1991–2009)
5.1 (2009–დღემდე)
პირველად ეთერში დეკემბერი 17, 1989 (1989-12-17)
უკანასკნელად ეთერში დღემდე
ქრონოლოგია
წინა სიმპსონების მოკლემეტრაჟიანი ფილმები ტრეისი ულმანის შოუდან
დაკავშირებული შოუები ფუტურამა
ბმულები
ოფიციალური საიტი

სიმპსონები (ინგლ. The Simpsons) — ამერიკული ანიმაციური სატირული ტელესერიალი, რომელიც ტელეკომპანია ფოქსისთვის შექმნა მეტ გრენინგმა. მისი მთავარი გმირები არიან საშუალო ფენის აშშ-ის მოსახლეობის წარმომადგენლები, რეალურად არსებულ ქალაქ სპრინგფილდის მაცხოვრებლები, სიმპსონების ოჯახის წევრები - მამა ჰომერი, დედა მარჯი, შვილები ბარტი, ლიზა და მეგი. მიუხედავად იმისა, რომ სერიალს კონკურენციას უწევს სატირით გაჯერებული სხვა ანიმაციური ფილმებიც, მასში წამოყენებულია აქტუალური პრობლემები და კრიტიკის ქვეშ ყენდება ამერიკული ცხოვრების სხვადასხვა ასპექტი.

2007 წელს გამოვიდა „სიმპსონების ფილმი“ - სრულმეტრაჟიანი ანიმაციური ნამუშევარი, რომელშიც მოთხრობილია ერთ-ერთი ისტორია ქალაქის ცხოვრებიდან.

შექმნა[რედაქტირება]

სიმპსონების ოჯახი ტრეისი ულმანის შოუში

სერიალის მთავარ შემქმნელს, მეტ გრენინგს სთხოვეს ანიმაციური მოკლემეტრაჟიანი სერიების დამზადება. თავდაპირველად მეტს სურდა ”ჯოჯოხეთური ცხოვრების” შექმნა, სადაც იგი თავად იქნებოდა მთავარი გმირი. მაგრამ შემდგომში, მისი პერსონაჟი შეცვალა ბარტმა.

სიმპსონები პირველად გამოჩნდნენ ტრეისი ულმანის შოუში, 1987 წელს. შემდგომში პერსონაჟები ვიზუალურად დახვეწეს და 1989 წელს დაიწყო სერიალის წარმოება ”ფოქსის” კომპანიისათვის.

თავიდანვე, სერიალმა ბევრი მითქმა-მოთქმა გამოიწვია, განსაკუთრებით, ბარტის გამო, თუმცა ამერიკა ააფორიაქა იმან, რომ სერიალის შემქმნელები დასცინოდნენ ამერიკული საზოგადოების ყველა უარყოფით მხარეს.

სერიალის პერსონაჟები[რედაქტირება]

სიმპსონების ოჯახი[რედაქტირება]

ჰომერი[რედაქტირება]

Searchtool-80%.png მთავარი სტატია : ჰომერ სიმპსონი.

მისი სრული სახელია ჰომერ ჯეი სიმპსონი. მას ახმოვანებს დენ კასტელანეტა. ჰომერი პირდაპირი პაროდიაა, შემქმნელების აზრით, ამერიკის ტიპიურ მაცხოვრებლებზე, რომლებიც მუშაობენ, მაგრამ ეზარებათ თავიანთი საქმე, უყვართ ბევრი ფუნთუშა, არიან საკმაოდ მსუქნები, თავისუფალ დროს უთმობენ მხოლოდ ტელევიზორს, ინტელექტუალურად კი შეზღუდულები არიან. ეს და ბევრი სხვა უარყოფითი თვისება სერიალის მანძილზე ხშირად ვლინდება ჰომერის მიერ. მიუხედავად ამისა, იგი აღიარებს, რომ იცის საკუთარი ნაკლების შესახებ. ერთ-ერთ სერიაში ლიზა სასოწარკვეთაში ვარდება და დარწმუნებულია, რომ ისეთივე სულელი გაიზრდება, როგორც მამამისი, თუმცა ჰომერი რადიკალურ ნაბიჯს გადადგამს - სიმპსონების სახლთან მიიყვანს მთელ ნათესაობას, რათა დაუმტკიცოს ლიზას, რომ მათ გვარში არ არის მხოლოდ გონებაჩლუნგი ხალხი.

ჰომერი გამოირჩევა მელოტი თავით (რომელზეც სულ სამი თმაა დარჩენილი) და სქელი მუცლით. მისი საყვარელი საჭმელია ფუნთუშა, სასმელებიდან - ლუდი, რომლის დასალევად იგი ხშირად მიდის მო შზისლაკის ბარში.

მარჯი[რედაქტირება]

Searchtool-80%.png მთავარი სტატია : მარჯ სიმპსონი.

მარჯი, ისევე, როგორც სიმპსონი, საშუალო ფენის ამერიკელი დედის განსახიერებაა. ინტელექტუალურად იგი ჰომერზე ბევრად განვითარებული ჩანს, ყოველთვის ავლენს ნამდვილი დედისათვის დამახასიათებელ ყველა თვისებას. მას აგრეთვე მრავალი საქმის ნიჭი გააჩნია. მათგან აღსანიშნავია ხატვის ნიჭი, რომელიც გამოვლინდა მის ახალგაზრდობაში - მარჯს შეუყვარდა რინგო სტარი და ამან შთააგონა, დაეხატა მისი ბევრი პორტრეტი. მარჯი ასევე კარგი მზარეულია.

მარჯი გამოირჩევა უცნაური ვარცხნილობით, რომელიც უფრო ვარცხნილობის გროტესკულ ფორმას წარმოადგენს, ვიდრე რეალურად არსებულ ვარცხნილობას. ეს ძალიან გრძელი, პრაქტიკულად, მარჯის მთლიანი სხეულის ზომის ლურჯად შეღებილი, ერთ სვეტად დაყენებული თმა.

ბარტი[რედაქტირება]

Searchtool-80%.png მთავარი სტატია : ბარტ სიმპსონი.

სიმპსონების ვაჟი და ყველაზე უფროსი შვილი ბარტი არის არა მხოლოდ ტიპიური ამერიკელი მოზარდი, იგი უფრო გლობალურ მასშტაბებს იძენს და ითავსებს საერთოდ მოზარდისათვის დამახასიათებელ ჩვევებს, თვისებებსა და უარყოფით მხარეებს.

მიუხედავად იმისა, რომ იგი ხშირად თავს ამოჰყოფს პრობლემებში, მას ბევრი დადებითი თვისებაც აქვს, თუნდაც ის, რომ იგი ძალიან მეგობრულია. იგი სათანადო ყურადღებას უთმობს ცხოველებსაც, თუმცა ბუნებაზე ზრუნვა მის მიზნებში არ შედის - ეს უფრო ლიზას პრეროგატივაა.

ბარტსა და მამამისს შორის უცნაური დამოკიდებულებაა - ისინი ხშირად ჩხუბობენ, ხშირად ხუმრობენ და შერიგებულები არიან, მაგრამ აღსანიშნავია, რომ ჰომერი, თავისი არასტანდარტული ხასიათის გამო ხშირად წაუჭერს ხოლმე ბარტს კისერში ორივე ხელს და აგრესიულად აქნევს თავის შვილს აქეთ-იქით.

ლიზა[რედაქტირება]

Searchtool-80%.png მთავარი სტატია : ლიზა სიმპსონი.

ლიზა ყველაზე მეტად გამოირჩევა სიმპსონებში თავისი ინტელექტით. იგი ზრუნავს ბუნებაზე, ხშირად გამოდის მოხსენებებით სკოლის კონფერენციებზე. ის არის ვეგეტარიანელი და თან მიუხედავად იმისა რომ მხოლოდ 8 წლისაა ხდება ბუდისტი რადგანაც ფიქრობს რომ ბუდას მოძღვრება ყველაზე ჰუმანური და ბუნების მოყვარული რელიგიაა. ლიზა არის სკოლის ერთ-ერთი საუკეთესო მოსწალე და ოცნებობს გამოვიდეს საქსოფონისტი. შესაბამისად უკრავს კიდეც ამ ინსტრუმენტზე. ლიზას უყვარს ჯაზი. ლიზას ჰყავს თაყვანისმცემელი მილჰაუზი ბარტის საუკეთესო მეგობარი.

სერიალის მანძილზე მას უყვარდება რამდენიმე ბიჭი - რალფ ვიგამი, ნელსონ მანტცი და კოლინი (ეს უკანასკნელი - სიმპსონების ფილმში).

მეგი[რედაქტირება]

Searchtool-80%.png მთავარი სტატია : მეგი სიმპსონი.

მეგი ყველაზე ჩუმი პერსონაჟია. სერიალის მანძილზე მისი ასაკი პრაქტიკულად არ იცვლება და იგი რჩება პატარა გოგონად, რომელიც ხშირად ხელით დაჰყავთ. მიუხედავად იმისა, რომ სერიალის რამდენიმე სერიაში სიმპსონების მომავალია აღწერილი და მეგი ამ სერიებში ზრდასრულია ის მაინც ვერ იღებს ხმას, ყოველთვის რაღაც აბრკოლებს და ხელს უშლის რომ თქვას რამე. გამოირჩევა იმით, რომ პირში მუდმივად უდევს საწოვარა, რომელსაც მხიარულად აცმაცუნებს. ერთ სერიაში ის ძველი თოფით დაჭრის ჰომერის უფროსს, ბოროტ მილიონერ ბერნსს.

ოჯახის სხვა წევრები და ახლობლები[რედაქტირება]

ბაბუა (აბრაამ სიმპსონი)[რედაქტირება]

დაწვრილებითი ინფორმაციისათვის იხილეთ აბრაამ სიმპსონი

აბრაამ ეიბ სიმპსონი არის ჰომერის მამა. როგორ წესი, იგი ცხოვრობს ან სიმპსონების სახლში, ან მოხუცებულთა თავშესაფარში. ის არის საოცრად მომაბეზრებელი და მკაცრი მაგრამ მას არავინ უსმენს. წარსულში ის ომობდა მეორე მსოფლიო ომში და წინამძღოლობდა დაჯგუფება 'მფრინავ პირანიებს' ის იყო ნამდვილი მებრძოლი და არაერთხელ გაუწირია თავი ომში ამიტომაც საკმაოდ დასახიჩრებულია. ის იყო ძალიან მკაცრი მამა ჰომერისთვის ამიტომაც შვილს ის დიდად არ უყვარს. ბაბუას უყვარს თავისი ომის ისტორიების მოყოლა და ამით თავს ყველას აბეზრებს.

პეტი და სელმა[რედაქტირება]

დაწვრილებითი ინფორმაციისათვის იხილეთ პეტი და სელმა ბუვიე

პეტი და სელმა ბუვიე (პატრისია ”პეტი” ბუვიე და სელმა ბუვიე ტერვილიგერ ჰატზ მაკკლურ სტიუ სიმპსონები)არიან მარჯის ტყუპი დები. ორივე მუშაობს სპრინგფილდის სპორტის დეპარტამენტში, ორივეს ეზიზღება ჰომერი და ორივე მუდმივად ეწევა. ვიზუალურად ისინი განსხვავდებიან ტანსაცმლის ფერითა და ვარცხნილობებით. ერთი და ლეზბოსელია ხოლო მეორე ყველა შემხვედრი მამაკაცის შებმას ცდილობს მაგრამ ისინი არც ისე ლამაზები არიან ამიტომ ყოველთვის მარტონი არიან.

მონა სიმპსონი[რედაქტირება]

დაწვრილებითი ინფორმაციისათვის იხილეთ მონა სიმპსონი

მონა ჯეი სიმპსონი არის ჰომერის დედა და აბრაამის ყოფილი მეუღლე. სერიალში მას ახმოვანებს მსახიობი გლენ კლოუზი. მას ეძებს პოლიცია, რის გამოც იგი გამუდმებით იცვლის სახელებს - ასეთებია პენელოპა ოლსენი, მონა სტივენსი, მარტა სტიუარტი, მადი მეი საგინსი და ანიტა ბონიტი. სანამ არ აღმოჩნდა, რომ იგი ჩარლზ მონტგომერი ბერნსთან კონფლიქტის გამო იძებნება, ყველა თვლიდა, რომ მონა გარდაცვლილია.

სანტას უმცროსი თანაშემწე[რედაქტირება]

დაწვრილებითი ინფორმაციისათვის იხილეთ სანტას უმცროსი თანაშემწე

სანტას უმცროსი თანაშემწე არის სიმპსონების ძაღლი - მომხიბვლელი, მაგრამ გაუწვრთნელი მონადირის ძაღლი.

სნოუბოლი[რედაქტირება]

დაწვრილებითი ინფორმაციისათვის იხილეთ სნოუბოლი

სნოუბოლი (ფიფქი) არის სიმპსონების კატა. სერიალში იყო სულ რამდენიმე ფიფქი - ფიფქი პირველი, მეორე, მესამე, მეოთხე და მეხუთე. ისინი განსხვავდებოდნენ ფერით. მეხუთე სნოუბოლი შავი ფერის კატაა.

ჰერბერტ პაუელი[რედაქტირება]

დაწვრილებითი ინფორმაციისათვის იხილეთ ჰერბერტ პაუელი

ჰერბერტ პაუელი არის ჰომერის ნახევარძმა. მისი მამაა აბრაამ სიმპსონი, ხოლო დედა - მეძავი ქალი კარნავალიდან. იგი საკმაოდ იშვიათად ჩნდება სერიალში და შორს დგას სიმპსონებისათვის დამახასიათებელი სიჩლუნგისგან.

ვიზუალური მხარე[რედაქტირება]

სერიალის თითოუელი სერია ტელეეთერში გადის კვირაში ერთხელ. ამისათვის საჭიროა დაძაბული მუშაობა თითოეულ სერიაზე, რადგანაც ყველაფერი პრაქტიკულად, ხელით იხატება. სამუშაო მასალას აგზავნიან რამდენიმე ქვეყანაში და, ასეთი კოლექტიური მუშაობის შემდეგ, ყველაფერი მონტაჟდება და გახმოვანებას გადის ისევ ცენტრალურ სტუდიაში.

სერიალი პრაქტიკულად კონვეიერულად იწარმოება, ასე რომ ვიზუალურად, რათა გამარტივდეს ხატვის პროცესი, პერსონაჟები პრაქტიკულად იდენტურია - მათ აქვთ სტანდარტული, მრგვალი თვალები, ყვითელი კანი, უმრავლესობას არ აქვს წარბები (თუმცა ეს მათ აღქმას არ უშლის ხელს). ტონები და შუქ-ჩრდილები ასევე არ არის, თუმცა სიმპსონების ფილმში შეიმჩნევა მათი სიუხვე.

კომპიუტერული ეფექტები ანიმაციურ სერიალში თითქმის არ გამოიყენება, მაგრამ არის რამდენიმე სერია, სადაც, ხუმრობით ან სპეციალურად შემქმნელებმა ჩაატარეს მცირე ექსპერიმენტები ამ ტექნოლოგიის გამოყენებით.

რესურსები ინტერნეტში[რედაქტირება]