სამხრეთი კარპატები

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
სამხრეთი კარპატები
Varful-Moldoveanu-scenery.jpg
სამხრეთი კარპატები, მოლდოვიანუ
ადგილმდებარეობა
კონტინენტი ევროპა
ქვეყანა რუმინეთის დროშა რუმინეთი
გეოგრაფია
სიგრძე 300 კმ
უმაღლესი წერტილი მოლდოვიანუ
სიმაღლე 2543 მ

სამხრეთი კარპატები, ტრანსილვანიის ალპები (რუმ. Carpatii Meridionali) — კარპატების ნაწილი რუმინეთში, პრედიალის უღელტეხილსა და დუნაის რკინის ჭიშკარს შორის. სიგრძე დაახლოებით 300 კმ. დასავლეთით ებჯინება ბანატის მთები. შედგება გრანიტებითა და გნაისებით, აგრეთვე კირქვებითა და ქვიშაქვებით აგებული მაღალმთიანი მასივებისაგან. მაღალ მწვერვალებზე ალპური რელიეფის ფორმებია. სიმაღლე 2543 მ-მდე (მთა მოლდოვიანუ). დასერილია ჟიუს, ოლტის, ჩერნის ხეობებით, რომლებიც მთის ძირში და ვაკე ტერიტორიებზე ქმნიან ფართო გამოზიდვის კონუსებს. სეისმურია. 900-1000 მ-მდე შემოსილია წიფლნარითა და მუხნარით, 1700 მ-მდე უმთავრესად წიწვნარია, ზევით — სუბალპური და ალპური მდელოები. ნავთობის, ქვანახშირის, სუფრის მარილის საბადოები. არის სამთო-კლიმატური და ბალნეოლოგიური კურორტები.

რესურსები ინტერნეტში[რედაქტირება]

ლიტერატურა[რედაქტირება]