სამამულო ომის ორდენი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
I ხარისხის სამამულო ომის ორდენი
I ხარისხის ორდენის ლენტა

სამამულო ომის ორდენი (რუს. Орден Отечественной войны) — სსრკ-ის უმაღლესი საბჭოს პრეზიდიუმის 1942 წლის 20 მაისის ბრძანებულებით დაწესებული ორდენი. ამ ორდენით აჯილდოებდნენ საბჭოთა არმიის, სამხედრო-საზღვაო ფლოტის, შინაგან საქმეთა სახალხო კომისარიატისა (შინსახკომი) და პარტიზანული ჯგუფების შემადგენლობიდან იმ პირებს, რომლებმაც სამშობლოსათვის ბრძოლაში სიმამაცე, სიმტკიცე და ვაჟკაცობა გამოიჩინეს; აგრეთვე იმ სამხედრო მოსამსახურეებს, რომლებიც თავიანთი მოქმედებით ხელს უწყობდნენ საბჭოთა ჯარების საბრძოლო ოპერაციებს. ორდენის ნიშანი ლალისფრად მომინანქრებული, ოქროს სხივების ფონზე ამობურცული ხუთქიმიანი ვარსკვლავია. I ხარისხის ორდენი ოქროსია, II - ვერცხლის. იბნევენ მკერდის მარჯვენა მხარეს ალექსანდრე ნეველის ორდენის შემდეგ.

ლიტერატურა[რედაქტირება]

  • ქსე, ტ. 8, გვ. 699, თბ., 1984