სათითურა

სათითურა (Dactylis glomerata) — მრავალწლოვანი ბალახოვანი მცენარე მარცვლოვანთა ოჯახისა. ფაშარკორდიანი ბალახია. მისი სიმაღლე 100 სმ აღწევს. ბუნებრივად გავრცელებულია მთელ ევროპაში და აზიის ზოგიერთ რაიონში. საქართველოში ყველგან გვხვდება. იზრდება ალპურ სარტყლამდე ბუჩქნარებში, ტყის პირებზე, მდელოებზე, არიდულ მეჩხერ ტყეებში, ველებზე. ერთ-ერთი საუკეთესო საკვები ბალახია. კულტურაში შეტანილია XIX საუკუნეში.

ლიტერატურა

• ქართული საბჭოთა ენციკლოპედია, ტ. 8, გვ. 659, თბ., 1984 წელი.