რუბენიანები (სომხ.Ռուբինյաններ) ან რუბენიდები — სომხური დინასტია, რომელიც მართავდა კილიკიის სამეფოს ნაწილს და დააარსა კილიკიის სომეხთა სამეფო. დინასტიამ სახელი მისი დამაარსებელი, სომხეთის პრინც რუბენ I-სგან მიიღო. რუბენიანები იყვნენ კილიკიის პრინცები, შემდგომში კი მეფეები. დინასტია 1080 წლიდან არსებობდა, სანამ ისინი ჰეთუმიანებმა არ შეცვალეს XIII საუკუნის შუა წლებში.
რუბენიანების მიერ დაარსებული ახალი სომხური სახელმწიფო მჭიდროდ თანამშრომლობდა ევროპულ ქვეყნებთან და მნიშვნელოვან როლს ასრულებდა ჯვაროსნულ ლაშქრობებში. კილიკიის სომეხთა სამეფო წარმოადგენდა ქრისტიანების თავშესაფარს იერუსალიმისკენ მიმავალ გზაზე. ევროპულ ქვეყნებთან კავშირმა ხელი შეუწყო სომხური სამეფოს რელიგიის, პოლიტიკისა და კულტურის ევროპულთან მიახლოვებას.