პოტანინის მყინვარი

პოტანინის მყინვარი (მონღ. Потанины мөсөн гол) — ყველაზე დიდი ხეობის ტიპის მყინვარი ალთაიში. მდებარეობს ტავან-ბოგდო-ულასა და მონღოლეთის ალთაის მიჯნაზე, მონღოლეთში. სიგრძე 19 კმ, ფართობი 56,5 კმ². ფირნის ხაზი ზღვის დონიდან 3630 მ-ზეა. მყინვარის ენა ეშვება 2900 მ-მდე. ქვედა ნაწილი დაფარულია მორენული მასალით. მყინვარიდან გამოედინება მდინარე ცაგან-გოლი. მყინვარი აღმოაჩინა რუსმა მოგზაურმა და მკვლევარმა ვასილი საპოჟნიკოვმა 1905 წელს. სახელი ეწოდა რუსი მეცნიერის გრიგორი პოტანინის (1835 –1920) პატივსაცემად.

რესურსები ინტერნეტში[რედაქტირება | წყაროს რედაქტირება]