ოკეანარიუმი
ოკეანარიუმი — ზღვისწყლიანი ხელოვნური აუზი, რომელშიც ჰყავთ ზღვის ცხოველები. ოკეანარიუმში ჩვეულებრივ სხვადასხვა ზომის რამდენიმე განყოფილებაა. მისი ერთ-ერთი გვერდითი კედელი გამჭვირვალეა — აუზის ცხოველებზე დაკვირვებათა ჩასატარებლად. გვერდიდან მოწყობილია ამფითეატრი მაყურებელთათვის: ასეთ ოკეანარიუმში მართავენ წარმოდგენებს გაწვრთნილი დელფინების ან სელაპების მონაწილეობით. ზოგიერთ ოკეანარიუმში ტარდება სამეცნიერო-კვლევითი მუშაობა (მაგ., ჰავაის კუნძულებზე. ოკეანარიუმებს დიდი მნიშვნელობა აქვთ როგორც კულტურულ-საგანმანათლებლო და ტურისტულ ცენტრებს. საყურადღებოა ლოს-ანჯელესის ოკეანარიუმი, რომელშიც 3000 მ3-მდე და 2500 მ3-მდე მოცულობის 2 აუზია. მესამე, ღია წყალსატევში, „ზღვის ცირკში“, აჩვენებენ გაწვრთნილ სელაპებსა და დელფინებს. სან-დიეგოს (აშშ) ოკეანარიუმში თევზების შესანიშნავი კოლექციაა და უჩვენებენ გაწვრთნილ დელფინებსა და ცელნამგალა ვეშაპებს. ჰონოლულუს (ჰავაის კუნძულები) ოკეანარიუმში შექმნილია მარჯნის რიფის ბუნებრივი ეკოსისტემა. ცნობილია აგრეთვე სან-ფრანცისკოს, იაპონიის და სხვათა ოკეანარიუმები. საქართველოში არის ბათუმის დელფინარიუმი.
იხილეთ აგრეთვე[რედაქტირება | წყაროს რედაქტირება]
ლიტერატურა[რედაქტირება | წყაროს რედაქტირება]
- ჯანაშვილი ა., ქსე, ტ. 7, გვ. 508, თბ., 1984
- Lou Jacobs, Wonders of an oceanarium: The story of marine life in captivity. Golden Gate Junior Books, 1965.
- Joanne F. Oppenheim, Oceanarium. BBooks, 1994. ISBN 0-553-09520-X.
- Patryla, Jim. (2005). A Photographic Journey Back To Marineland of the Pacific. Lulu Publishing. ISBN 978-1-4116-7130-0.