ნიკოლოზ რიმსკი-კორსაკოვის სახლ-მუზეუმი
| ნიკოლოზ რიმსკი-კორსაკოვის სახლ-მუზეუმი | |
|---|---|
 | |
| 59°55′29″ ჩ. გ. 30°20′27″ ა. გ. / 59.92472° ჩ. გ. 30.34083° ა. გ. | |
| დაარსდა | 1971 |
| ქვეყანა |
 რუსეთი |
| მდებარეობა | სანქტ-პეტერბურგი |
| სტატუსი |
 რუსეთის კულტურული მემკვიდრეობის ძეგლი |
| დირექტორი | ნ. კოსტენკო |
| ოფიციალური საიტი | [rkorsakov.ru rkorsakov.ru] |
 | |
ნიკოლოზ რიმსკი-კორსაკოვის სახლ-მუზეუმი (რუს. Музей-квартира Н. А. Римского-Корсакова) — მუზეუმი სანქტ-პეტერბურგში. ეძღვნება რუსი კომპოზიტორის ნიკოლოზ რიმსკი-კორსაკოვის ცხოვრებასა და შემოქმედებას. არის სანქტ-პეტერბურგის თეატრისა და მუსიკალური ხელოვნების სახელმწიფო მუზეუმის ფილიალი.
მუზეუმი განთავსებულია ეზოს ფლიგელში მისამართზე ზაგოროდნის პროსპექტი, 28. ამ სახლში კომპოზიტორმა ნიკოლოზ რიმსკი-კორსაკოვმა 1893-1908 წლებში დაწერა 11 ოპერა, აქ იმართებოდა ცნობილი „კორსაკოვის გარემოცვის“ შეხვედრები[1].
შექმნის ისტორია[რედაქტირება | წყაროს რედაქტირება]
№ 39 ბინაში, საშემოსავლო სახლის მესამე სართულზე, რომელიც ეკუთვნოდა გენერალ ვასილი ლავროვის მეუღლეს, რიმსკი-კორსაკოვი საცხოვრებლად ოჯახთან ერთად გადავიდა 1893 წელს[2][3]. თვეში ორჯერ უცნაურ გარემოში იგი აქ მართავდა შემოქმედებით საღამოებს, სადაც იკრიბებოდნენ ცნობილი კომპოზიტორები, მხატვრები, მომღერლები და მუსიკოსები. ბინას სტუმრობდნენ: სერგეი რახმანინოვი, ალექსანდრე გლაზუნოვი, ალექსანდრე სკრიაბინი, იგორ სტრავინსკი, ილია რეპინი და თედორე შალიაპინი. კომპოზიტორის მეუღლე ნადეჟდა რიმსკაია-კორსაკოვა აკომპანიმენტს უწევდა შალიაპინს, ნადეჟდა ზაბელა-ვრუბელი და ევგენია მრავინა ძველ როიალს უკრავდნენ[4].
აღნიშნულ ბინაში რომსკი-კორსაკოვმა დაწერა თავისი 15 ოპერიდან 11[5][6][7]. კომპოზიტორის გარდაცვალების შემდეგ მისმა მეუღლემ შეინახა და სისტემაში მოიყვანა მისი ხელნაწერები, სანოტო ბიბლიოთეკა, წერილები, ფოტოები, ფასიანი საჩუქრები და საოჯახო რელიქვიები. ეს არქივი საფუძვლად დაედო კოპოზიტორის სახლ-მუზეუმს[8].
1908 წელს ნადეჟდა ნიკოლოზის ასული იძულებული გახდა საცხოვრებლად გადასულიყო შვილთან, ხოლო კომპოზიტორის ბინა კომუნალურ საცხოვრებლად აქციეს[2]. 1971 წელს ბინიდან მოსახლეობა გაასახლეს, ხოლო ამავე წლის 27 დეკემბერს რიმსკი-კორსაკოვის შთამომავლების ინიციტივით სანქტ-პეტერბურგის თეატრისა და მუსიკალური ხელოვნების მუზეუმმა ბინაში გახსნა თავისი პირველი ფილიალი[9].
ექსპოზიცია[რედაქტირება | წყაროს რედაქტირება]
მუზეუმი იყოფა სამ ნაწილად: მემორიალური, საექსპოზიციო და საკონცერტო. მემორიალური ოთახის ინტერიერი აღდგინეს კომპოზიტორის ერთ-ერთი ვაჟის ჩანაწერების მიხედვით, რომელიც გადმოგვცემს ინფორმაციას ავეჯის ზუსტი ადგილმდებარეობის შესახებ[10]. ოთახის აღჭურვილობა შემოინახეს კომპოზიტორის შთამომავლებმა[11]. მუზეუმის კოლექცია საერთო ჯამში მოიცავს 505 ექსპონატს[1].
მუზეუმის მემორიალურ განყოფილებაში შედის მისაღები, სამუშაო კაბინეტი, სასტუმრო და სასადილო. მისაღების კედლებზე ჩამოკიდებულია შემოქმედებითი გაერთიანების „მტკიცე მუჭის“ წევრების ფოტოები. კაბინეტში სამუშაო მაგიდაზე გადაშლილია ოპერა „ოქროს მამლის“ ხელნაწერი[12]. სასტუმრო ოთახის მთავარი ექსპონატია იაკობ ბეკერის ფირმის როიალი, რომელზეც თავშეყრის პერიოდში უკრავდა სერგეი რახმანინოვი, ალექსანდრე სკრიაბინი, ალექსანდრე გლაზუნოვი, იგორ სტრავინსკი და თავად რიმსკი-კორსაკოვი[2]. სასადილო ოთახის კედებზე განთავსებულია რიმსკი-კორსაკოვის წინაპრების ფოტოები, ხოლო მაგიდაზე - პირადი ჭურჭელი.
საექსპოზიციო დარბაზში წარმოდგენილია დოკუმენტები, რომლებიც მოგვითხრობენ რიმსკი-კორსაკოვის მუშაობის შესახებ[13]. ექსპონატებს შორისაა ოქროს კალამი, რომელიც კომპოზიტორს აჩუქეს ოპერა „მაისის ღამის“ პრემიერის დროს მარინის თეატრში 1880 წლის 9 მაისს. ამ კალმით რიმსკი-კორსაკოვმა დაწერა თავისი ყველა შემდეგი ნაწარმოები[14].
ლიტერატურა[რედაქტირება | წყაროს რედაქტირება]
- Н.А. Римский-Корсаков. Из семейной переписки. — СПб.: СПб ГБУК «Санкт–Петербургский музей театрального и музыкального искусства», 2008. — 247 с. — (Эпистолярное наследие).
სქოლიო[რედაქტირება | წყაროს რედაქტირება]
- ↑ 1.0 1.1 «Мемориальный музей-квартира Н.А. Римского-Корсакова». Музеи России (2014-11-25). ციტირების თარიღი: 2015-03-12.
- ↑ 2.0 2.1 2.2 История музея на сайте rimski-korsakov.narod.ru. ციტირების თარიღი: 2015-03-12.
- ↑ Информация о Музее-квартире Н.А.Римского-Корсакова на сайте Gopiter.ru. დაარქივებულია ორიგინალიდან — 2015-04-03. ციტირების თარიღი: 2015-03-12.
- ↑ «Мемориальному музею-квартире Н. А. Римского-Корсакова исполняется 40 лет». ИА Северная Звезда (2011-12-20). დაარქივებულია ორიგინალიდან — 2015-04-18. ციტირების თარიღი: 2015-03-12.
- ↑ Информация о мемориальном музее-квартире Н. А. Римского-Корсакова на сайте S-pb.in. ციტირების თარიღი: 2015-03-12.
- ↑ Ирина Абрамидзе. Описание мемориального музея-квартиры Н.А.Римского-Корсакова на сайте Opeterburge.ru. ციტირების თარიღი: 2015-03-12.
- ↑ Антон Ворожеев. «Музей-квартира Н.А.Римского-Корсакова». iPeterburg.ru. ციტირების თარიღი: 2015-03-12.
- ↑ Обзор музея-квартиры Н. А. Римского-Корсакова на сайте In-road.ru. ციტირების თარიღი: 2015-03-29.
- ↑ Страница музея-квартиры Римского-Корсакова. Санкт-Петербургский государственный музей театрального и музыкального искусства. დაარქივებულია ორიგინალიდან — 2015-04-25. ციტირების თარიღი: 2015-03-12.
- ↑ «Музею-квартире Н. А. Римского-Корсакова — 40 лет». Iskusstvo.tv. დაარქივებულია ორიგინალიდან — 2015-04-03. ციტირების თარიღი: 2011-12-23.
- ↑ «Музей-квартира Н. А. Римского-Корсакова». Piterzavtra.ru. ციტირების თარიღი: 2011-12-23.
- ↑ Bgershman. (2010-01-09) «Журнал о классической музыке». Живой Журнал. ციტირების თარიღი: 2015-03-12.
- ↑ Мемориальный музей-квартира Н. А. Римского-Корсакова. დაარქივებულია ორიგინალიდან — 2015-04-03. ციტირების თარიღი: 2015-03-29.
- ↑ Страница мемориального музея-квартиры Н.А.Римского-Корсакова на сайте Dslov.ru. ციტირების თარიღი: 2015-03-29.