მთაწმინდის საბაგიროს ტრაგედია (1990)

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
მთაწმინდის საბაგიროს ტრაგედია (1990)
Rittnerbahn 09.jpg
კატასტროფაში მოყოლილი კაბინის მსგავსი კაბინა
თარიღი ივნისი 1, 1990 (1990-06-01)
ადგილი საქართველოს სსრ–ის დროშა თბილისი, საბჭოთა საქართველო
კოორდინატები 41°41′57″ ჩ. გ. 44°47′18″ ა. გ. / 41.69917° ჩ. გ. 44.78833° ა. გ. / 41.69917; 44.78833
გარდაცვალებები 20
ტრავმები 15

მთაწმინდის საბაგიროს 1990 წლის ტრაგედია1990 წლის 1 ივნისს მომხდარი საბაგირო უბედური შემთხვევა, საქართველოს დედაქალაქ თბილისში, რომლის შედეგადაც 15 ადამიანი დაშავდა და 20 გარდაიცვალა.

პანორამული ხედი მთაწმინდიდიდან თბილისზე

უბედური შემთხვევა ორი გონდოლის მონაწილეობით მოხდა, რომლებიც რუსთაველის გამზირისა და მთაწმინდის დამაკავშირებელ საბაგიროზე მოძრაობდნენ[1] გონდოლა მთის ქედიდან ქვემოთ ეშვებოდა და დაახლოებით მთაწმინდის პანთეონის თავზე იმყოფებოდა, როდესაც საწევი ბაგირი გაწყდა ქვევითა გონდოლა რომელიც ქვედა საყრდენს გამოცდენილი იყო უკან დაგორდა და ქვედა სადგურის კედელს შეეჯახა, რა დროსაც რამდენიმე ადამიანი დაშავდა, ზევითა გონდოლაც პარალელურად დაგორდა და სისწრაფის აკრეფა დაიწყო (ხელის მუხრუჭებმა ვერ იმუშავეს), ქვედა საყრდენის ბუნიკთად მიახლოებისას კი უკვე ძლიერ ქანაობდა რის შედეგადაც მას და იქვე მოკონწიალე საწევ ბაგირს შეეჯახა, შეჯახება იმდენად ძლიერი აღმოჩნდა რომ გონდოლა ორ ნაწილად გაიხლიჩა ხოლო მზიდი ბაგირი საყრდენი ანძის გორგოლაჭებიდან გადმოვარდა და გონდოლა დაბლა სახურავებთან უფრო ახლოს ჩამოეკიდა. დაახლოებით 20 მეტრის სიმაღლიდან ადამიანები 6 სართულიანი შენობის სახურავსა და მის ეზოში ჩამოცვიდნენ, ზოგი მანამდე აჩქარებული გონდოლიდან პანიკაში მყოფი გადმოხტა. 20 ადამიანი დაიღუპა და 15 დაშავდა. მგზავრების ნაწილი ახალციხიდან ფუნიკულიორის დასათვალიერებლად ექსკურსიაზე ჩამოსული ბავშვები იყვნენ, რომელნიც „ბავშვთა დღეს“ აღნიშნავდნენ. ნაწილი კი ჯარისკაცები. ტრაგედიამდე რამდენიმე დღით ადრე სტანდარტული საბჭოთა ოვალური გონდოლები ყოველგვარი უსაფრთხოების ზომების გათვალისწინების გარეშე უფრო დიდი ფინური გონდოლებით შეცვალეს, რომლებიც არ შეესაბამებოდა საბაგიროზე არსებულ საავარიო სამუხრუჭე სისტემას ასევე ვაგონების ზომა და ტევადობა მათ წინამორბედებს აღემატებოდა.[2][3][4]

სპეციალურად შექმნილმა კომისიამ ტრაგედიის გამომწვევ მიზეზად საწევი ბაგირის გაწყვეტა და დამჭერი მოწყობილობის პრობლემა დაასახელა[5].

რესურსები ინტერნეტში[რედაქტირება]

სქოლიო[რედაქტირება]

  1. Tbilisi Ropeways. Civil Georgia. 2012.
  2. Cable car break kills 20 at Soviet Union tourist site. Star-News. June 2, 1990.
  3. Soviet tram falls. San Jose Mercury News, June 2, 1990.
  4. 20 feared dead in tram crash. Pittsburgh Post-Gazette, June 2, 1990.
  5. 22 წელი მთაწმინდის საბაგიროს ტრაგედიიდან (01-06-2012). წაკითხვის თარიღი: 31-03-2014.