16 წლის დინ ჯუნხუი მასტერსზე თავისი პირველი მატჩი მოიგო. უაილდკარდ რაუნდში ჯუნჰუის მოწინააღმდეგე იყო ინგლისელი ჯო პერი. ჩინელმა იგი 6:3 დაამარცხა. 1/8 ფინალში დინი სტივენ ლის შეხვდა და, მიუხედავად იმისა, რომ თავიდან 5:2-ს იგებდა, 5:6 დამარცხდა.
პოლ ჰანტერმა ბოლო ოთხის წლის განმავლობაში მასტერსის მესამე ტიტული მოიგო. ფინალში ჰანტერმა ტურნირის ისტორიაში ერთ-ერთი ყველაზე სანახაობრივი და არაპროგნოზირებადი ფინალი ითამაშა. მან რონი ო’სალივანი 10:9 დაამარცხა. მატჩის დასაწყისსა და შუა ეტაპზე ჰანტერი ანგარიშში ძლიერ ჩამორჩებოდა — იგი აგებდა 0:2-ს, 1:6-ს, 2:7-ს, 6:8-სა და 7:9-ს, მაგრამ გამარჯვების მოპოვება მოახერხა. მატჩის მსვლელობისას ჰანტერმა 5 სენჩერი-ბრეიკი გააკეთა.
2004 წლის მასტერსი პირველი იყო, რომელიც სპონსორის გარეშე ჩატარდა. სიგარეტის ბრენდი Benson & Hedges, რომელიც ტურნირს დასაწყისიდანვე უჭერდა მხარს, იძულებული გახდა, შეეწყვიტა თანამშრომლობა ტურნირთან, რადგან ბრიტანეთის კანონმდებლობაში ცვლილებები მოხდა — ამიერიდან დიდი ბრიტანეთის ტერიტორიაზე აიკრძალა თამბაქოს სატელევიზიო რეკლამა.