მაკ-კინლი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება

მაკ-კინლი

მაკ-კინლი
მაკ-კინლი

კოორდინატები: 63°04′10″ ჩ. გ. 151°00′27″ დ. გ. / 63.06944° ჩ. გ. 151.00750° დ. გ. / 63.06944; -151.00750

მდებარეობა აშშ-ის დროშა აშშ
სიმაღლე 6194 მ ან 6168 მ
ქედი ალასკის ქედი
პირველი ასვლა 7 ივნისი, 1913

მაკ-კინლი მდებარეობა ალასკა

Mountain sign.svg

მაკ-კინლი (ინგლ. McKinley; ზოგჯერ დენალი) — ორთავიანი მწვერვალი აშშ-ში, ალასკაში. ჩრდილოეთ ამერიკის უმაღლესი მწვერვალი, ალასკის ქედზე. მაკ-კინლი ანკორიჯიდან განლაგებულია ჩრდილოეთ-ჩრდილოეთ-დასავლეთით 210 კმ-ში, ფერბენკსიდან სამხრეთ-დასავლეთით 275 კმ-ში. მისი სიმაღლეა 6193 მ. 1950-იან წლებში დადგინდა მწვერვალის ოფიციალური სიმაღლე — 6194 მ. მწვერვალის სიმაღლის გაზომვების შემდგომი მონაცემები სხვადასხვაგვარი იყო. 2013 წლის სექტემბერში რადარული ტექნოლოგიების მეშვეობით დადგინდა მაკ-კინლის ახალი სიმაღლე — 6168 მ. თუმცა ეს გაზომვა არაოფიციალურად დარჩა. მაკ-კინლი დედამიწის ყველაზე ჩრდილოეთით მდებარე ორთავა ექვსიათასიანი პიკია, რომელიც გამოირჩევა ძალზე მკაცრი კლიმატური პირობებით.[1]

აგებულია გრანიტებით. დაფარულია მყინვარული გუმბათითა და ფირნული ველებით. მაკ-კინლის ჩრდილოეთ კალთაზე იწყება ცნობილი პულსაციური მყინვარი მალდროუ, რომლის სიგრძეა დაახლოებით 60 კმ. სახელი დაერქვა აშშ-ის 25-ე პრეზიდენტის უილიამ მაკ-კინლის პატივსაცემად. ადგილობრივ მოსახლეობაში ცნობილია დენალის სახელწოდებით. 1903 წელს პირველი ასვლის წარუმატებელ ცდას ჰქონდა ადგილი. მაკ-კინლის სამხრეთი, ანუ უმაღლესი მწვერვალი პირველად 1913 წლის 7 ივნისს დალაშქრეს ღვთისმსახურებმა ჰადსონ შტუკმა და ვალტერ ჰარპერმა, ოქროსმაძიებლებმა რობერტ ტატუმმა და ჰენრი კარსტენსმა.[1] მწვერვალი იზიდავს ტურისტებსა და ალპინისტებს. ზამთრის ასვლები სახიფათოა. არის დენალის ეროვნული პარკი.

1794 წელს მწვერვალი კუკის ყურიდან პირველად დაინახა ინგლისელმა ზღვაოსანმა ჯორჯ ვანკუვერმა. 1799-1867 წლებში მაკ-კინლი იყო რუსეთის იმპერიის უმაღლესი წერტილი.

საქართველოს მთამსვლელთაგან მაკ-კინლიზე პირველი ავიდა თბილისელი გია თორთლაძე. ეს მოხდა 1996 წლის 22 მაისს, როცა მან რუსეთის რვა მთამსვლელთან ერთად კლასიკური მარშრუტით დალაშქრა მწვერვალი. 1998 წელს მაკ კინლიზე ავიდნენ საქართველოს მთამსვლელთა ექსპედიციის წევრები: ბიძინა გუჯაბიძე, ლევონ სარქისოვი და ბენო ქაშაკიშვილი, 2005 წელს — თამაზ შარაშენიძე და ავთანდილ ცინცაძე.[1]

გალერეა[რედაქტირება]

რესურსები ინტერნეტში[რედაქტირება]

სქოლიო[რედაქტირება]