ლევი მვანავასა

ლევი პატრიკ მვანავასა
ზამბიის მე-3 პრეზიდენტი
თანამდებობაზე ყოფნის დრო
2 იანვარი 2002 – 19 აგვისტო 2008
წინამორბედი	ფრედერიკ ჩილუბა
მემკვიდრე	რუპია ბანდა
დაბადებული	3 სექტემბერი 1948 მუფულირა ჩრდილოეთ როდეზია
გარდაცვლილი	19 აგვისტო 2008 პარიზი საფრანგეთი
პოლიტიკური პარტია	მოძრაობა მრავალპარტიული დემოკრატიისათვის
მეუღლე	მაურინ მვანავასა
პროფესია	იურისტი
რელიგია	პროტესტანტი

ლევი პატრიკ მვანავასა (ინგლ. Levy Patrick Mwanawasa, 3 სექტემბერი, 1948, მუფულირა, ჩრდილოეთ როდეზია — 19 აგვისტო, 2008, პარიზი, საფრანგეთი) - ზამბიის პოლიტიკური მოღვაწე, პრეზიდენტი 2002-2008 წწ.

ბიოგრაფია

დაიბადა ჩრდილოეთ როდეზიაში (დღევანდელი ზამბია), 10-შვილიანი ოჯახის მეორე შვილი. იურიდიული განათლება მიიღო ზამბიის უნივერსიტეტში. 1974-1978 წლებში ეწეოდა კერძო პრაქტიკას და ჩამოაყალიბა იურიდიული ფირმა „მვანავასა და კომპანია“, 1985 წელს დაინიშნა ზამბიის გენერალური პროკურორის მოადგილედ, მაგრამ 1986 წელს დაუბრუნდა კერძო პრაქტიკას. 1989 წელს მან დაიცვა კენეთ კაუნდას მიერ სახელმწიფო გადატრაილების მცდელობაში დადანაშაულებული ქრისტონ ტემბო და მოიგო სასამართლო პროცესი. 1991 წელს ახლადარჩეულმა პრეზიდენტმა დანიშნა ვიცე-პრეზიდენტად (1991-1994)

არჩევნები 2001

2001 წელს გახდა მმართველი პარტიის საპრეზიდენტო კანდიდატი არჩევნებში მიიღო 28,7 % ხმებისა დაიკავა პირველი ადგილი და გახდა ქვეყნის მესამე პრეზიდენტი.

არჩევნები 2006

2006 წლის 28 სექტემბრის საპრეზიდენტო არჩევნებზე კვლავ მმართველი პარტიის კანდიდატია და ამჯერად 43 %-ით იმარჯვებს და მეორე ვადით ხდება ქვეყნის პრეზიდენტი. მისი მთავარი კონკურენტია ზამბიის პატრიოტული ფრონტის ლიდერი მაიკლ სატა (მიიღო ხმების 29,4 %). რამდენიმე დღეში ჩამოაყალიბა ახალი მინისტრთა კაბინეტი და ვიცე-პრეზიდენტად დანითნა რუპია ბანდა.

პირადი ცხოვრება

ამერიკის პირველი ლედი ლორა ბუში, პრეზიდენტი ლევი მვანავასა და მისი მეუღლე მაურინ მვანავასა

1988 წელს დაქორწინდა მაურინ მვანავასაზე, რომელთანაც შეეძინა 4 შვილი, ხოლო წინა ქორწინებიდან ჰყავს 2 შვილი. მეუღლე მაურინი იეღოვას მოწმეა.

გარდაცვალება

2008 წლის 29 ივლისს, ეგვიპტის ქალაქ შარმ-ელ-შეიხში, აფრიკული ქვეყნების კონფერენციაზე გადაიტანა ინფარქტი. ეგვიპტეში მცირე მკურნალობის შემდეგ სამკურნალოდ გადაიყვანეს პარიზის ერთ-ერთ კლინიკაში, სადაც გარდაიცვალა 19 აგვისტოს.

რესურსები ინტერნეტში

• The Times: Levy Mwanawasa: Zambian President (Obituary)
• The Telegraph: Levy Mwanawasa, President of Zambia who stood out among African leaders in his condemnation of the regime of Robert Mugabe

წინამორბედი: ფრედერიკ ჩილუბა

ზამბიის პრეზიდენტი 2002 – 2008

შემდეგი: რუპია ბანდა