კობი სმულდერსი

მასალა ვიკიპედიიდან — თავისუფალი ენციკლოპედია
კობი სმულდერსი
დაბადების თარიღი 3 აპრილი, 1982
ვანკუვერი, კანადა
ეროვნება კანადელი
მოქალაქეობა კანადა, აშშ
ეთნიკურად ჰოლანდიელ-ბრიტანელი
საქმიანობა მსახიობი, მოდელი
აქტიური 2002-დღემდე

ჯაკობა ფრანცისკა მარია კობი სმულდერსი[1] (ინგლ. Jacoba Francisca Maria Cobie Smulders; დ. 3 აპრილი, 1982, ვანკუვერი, კანადა[2]) — კანადელი მსახიობი და მოდელი. სახელი გაითქვა სერიალში „როგორ შევხვდი დედათქვენს“ შესრულებული რობინ შერბაცკისა და „S.H.I.E.L.D.-ში“ შესრულებული მარია ჰილის როლებით.

ადრეული ცხოვრება[რედაქტირება | წყაროს რედაქტირება]

კობი სმულდერსი დაიბადა 1982 წლის 3 აპრილს ვანკუვერში, ბრიტანულ კოლუმბიაში, კანადაში. იგი მამის მხრიდან ჰოლანდიელია, ხოლო დედის მხრიდან ბრიტანელი. მას სახელი დიდი ბებიის პატივსაცემად დაარქვეს, რომელსაც მეტსახელად „კობის“ უწოდებდნენ, რის გამოც მანაც მეტსახელად „კობი“ დაირქვა[3]. აღსანიშნავია, რომ მას ოთხი და ჰყავს: მელისა, ემი, ფიონა და ჯულია[4].

მან ვანკუვერის საშუალო სკოლა დაამთავრა, რის შემდეგაც ვიქტორიას უნივერსიტეტში განაგრძო სწავლა საზღვაო ბიოლოგიის განხრით[5].

კარიერა[რედაქტირება | წყაროს რედაქტირება]

კობი სმულდერსი და ნილ პატრიკ ჰარისი 2013 წელს.

მისი სამსახიობო დებიუტი 2002 წელს ტელე-სერიალ „ჯერემიში“ შესრულებული დებორას როლით შედგა, სადაც იგი მიწვეული მსახიობი იყო. ამის შემდეგ იგი რამდენიმე პატარა ფილმში გადაიღეს, რის შემდეგაც 2005 წელს დაამტკიცეს სერიალ „The L Word-ში“ ლაით ოსტინის როლზე. ამას მოჰყვა 2005 წელსვე CBS-ის სერიალში „როგორ შევხვდი დედათქვენს“ ერთ-ერთი მთავარი გმირის, რობინ შერბაცკის როლზე დამტკიცება.

რობინ შერბაცკის როლი მისთვის განსაკუთრებული პოპულარობისა და აღიარების მომტანი აღმოჩნდა. სერიალის გადაღებები 2014 წელს დასრულდა, სადაც კობი თითქმის ყველა სერიაში თამაშობდა. სერიალში იგი კანადელი რეპორტიორის, რობინ შერბაცკის როლს თამაშობს, რომელიც მთელი სერიალის განმავლობაში ვერ ერკვევა უყვარს თუ არა მთავარი გმირი, ტედ მოსბი, თუმცა საბოლოოდ მაინც მასთან რჩება. ამ როლის გამო იგი ორჯერ იქნა წარდგენილი (2013, 2014 წლებში) სამსახიობო ჯილდოზე. 2013 წელს მოიგო Entertainment Weekly-ის ჯილდო, თუმცა 2014 წელს ნომინირებულ „ხალხის რჩეული მსახიობის“ ჯილდოზე ვერ გაიმარჯვა, რადგან ჯილდო ელისონ ჰანიგანს გადაეცა ასევე სერიალში „როგორ შევხვდი დედათქვენს“ შესრულებული ლილი ოლდრინის როლისათვის.

2016 წელს კობიმ ითამაშა კომედიურ დრამაში „ინტერვენცია“. ამავე წელს, ტომ კრუზთან ერთად მონაწილეობდა ფილმში „ჯეკ რიჩერი: არასოდეს დაბრუნდე უკან“[6].

2017-2019 წლებში Netflix-ის სერიალში „კოლეჯის მეგობრები“ შეასრულა ლიზა ტურნერის როლი. 2020 წლიდან იგი ახმოვანებს ანიმაციური სერიალის „სიმფსონების“ პერსონაჟ ჰიდრანგეას.

პირადი ცხოვრება[რედაქტირება | წყაროს რედაქტირება]

კობი სმულდერსი 2009 წლის იანვარში მსახიობ ტარან კილამზე დაინიშნა[7], რომელზეც იგი 2012 წლის 8 სექტემბერს დაქორწინდა კალიფორნიაში[8]. ამის შემდეგ წყვილი ერთად დასახლდა ნიუ-იორკში[9]. კობისა და ტარანს ორი გოგონა ჰყავთ: შეილინი (დ. 16 მაისი, 2009) და ჯოილი (დ. 4 იანვარი, 2015)[10][11].

სქოლიო[რედაქტირება | წყაროს რედაქტირება]

  1. ↑ "Cobie Smulders on life after "How I Met Your Mother"". CBS News. March 30, 2014. Archived from the original on October 20, 2014. Retrieved October 13, 2014.
  2. ↑ "UPI Almanac for Wednesday, April 3, 2019". United Press International. April 3, 2019. Archived from the original on April 3, 2019. Retrieved September 15, 2019. actor Cobie Smulders in 1982 (age 37)
  3. ↑ "Cobie Smulders on The Late Late Show with Craig Ferguson". YouTube. April 18, 2008. Archived from the original on June 15, 2014. Retrieved August 1, 2013.
  4. ↑ Billy Eichner & Cobie Smulders Answer the Web's Most Searched Questions. Wired. Retrieved January 29, 2019 – via YouTube. needs timestamp
  5. ↑ Johnson, Brian D. (November 16, 2013). "'It's always in my back pocket': Cobie Smulders on Canadian identity დაარქივებული 2014-03-07 საიტზე Wayback Machine. ". Maclean's. Archived from the original on March 7, 2014. Retrieved December 27, 2013.
  6. ↑ "Who Do Will Arnett & Cobie Smulders Play In 'A Series Of Unfortunate Events'? Not Everything Is As It Seems". Bustle. January 14, 2017. Retrieved January 9, 2019.
  7. ↑ Alexander, Reagan (January 28, 2009). "HIMYM's Cobie Smulders Flashes Her New Engagement Ring". People. Retrieved November 25, 2009.
  8. ↑ ""SNL's" Taran Killam Marries "How I Met Your Mother's" Cobie Smulders — Exclusive დაარქივებული 2019-04-07 საიტზე Wayback Machine. ". RumorFix. September 8, 2012. Retrieved September 9, 2012.
  9. ↑ "https://web.archive.org/web/20140122203821/http://www.cbs.com/shows/how_i_met_your_mother/cast/61490/?pg=1". How I Met Your Mother (official CBS site). Archived from the original on January 22, 2014. Retrieved April 2, 2014.
  10. ↑ León, Anya (July 3, 2009). "It's a Girl for Cobie Smulders". People. Retrieved November 25, 2009.
  11. ↑ "Taran Killam and Cobie Smulders Expecting Second Child". People. October 21, 2014. Retrieved October 21, 2014.
მოძიებულია „https://ka.wikipedia.org/w/index.php?title=კობი_სმულდერსი&oldid=4420734“-დან